ஒரே ஒரு பதவி.. பெரும் போட்டி.. தமிழக பாஜக தலைவராக போவது யார்? கடும் குழப்பத்தில் அமித் ஷா!

தமிழக பாஜக தலைவராக யாரை தேர்வு செய்வது என்று தெரியாமல் பாஜக தேசிய தலைமை குழம்பி வருவதாக தகவல்கள் வருகிறது.

Published: Sunday, September 8, 2019, 18:07 [IST]

Subscribe to Oneindia Tamil

நான்கு பேர்

இந்த நிலையில் தமிழக பாஜக தலைவராக வருவதற்கு நான்கு பேருக்கு இடையில்தான் கடுமையான போட்டி நிலவி வருகிறதாம். அதன்படி எச். ராஜா, பி. முருகானந்தம், சி.பி ராதாகிருஷ்னன், வானதி ஸ்ரீநிவாசன் ஆகியோர் இடையில்தான் கடுமையான போட்டி நிலவி வருகிறதாம். ஆனால் இதில் யாரை தேர்வு செய்வது என்று தெரியாமல் பாஜக குழம்பி வருகிறது.

போட்டி

இந்த தலைவருக்கான போட்டியில் தற்போது எச். ராஜா மற்றும் சிபி ராதாகிருஷ்னன் இடையே கடுமையான போட்டி நிலவி வருகிறது. இவ்வளவு நாட்கள் வெளியே தெரியாமல் இருந்த போட்டி, தற்போது வெளிப்படையாக் வெளியே தெரிய தொடங்கி உள்ளது என்கிறார்கள். இரண்டு பேரும் தலைவர் பதவிக்காக டெல்லியில் பேசி வருகிறார்கள் என்று கூறப்படுகிறது.

தெரியுமா?

தேசிய அளவில் நான் முக்கிய தலைவர். தமிழகத்தில் எல்லோருக்கும் என்னை தெரியும் என்று எச். ராஜா தரப்பு பாஜக தேசிய தலைமையிடம் கூறியுள்ளதாம். அதே சமயம் சிபி ராதாகிருஷ்னன் தரப்பு, நான் எதிர்கட்சிகளை அனுசரித்து போவேன். கூட்டணிகளை உருவாக்க முடியும் என்று கூறியுள்ளதாம்.

வானதி சீனிவாசன்

இதெல்லாம் போக இன்னொரு பக்கம் வானதி ஸ்ரீனிவாசன் சார்பில், தலைவர் பதவிக்காக அணுகப்பட்டு இருக்கிறது என்றும் கூறுகிறார்கள். அதேபோல் பி. முருகானந்தம் இளைஞர், மிக மிக துடிப்பானவர். தமிழக பாஜகவிற்கு அப்படி ஒரு நபர்தான் வேண்டும் என்று கோரிக்கைகள் எழுந்த வண்ணம் இருக்கிறது.

தலைவர்

இதனால் தமிழக பாஜக தலைவராக யாரை நியமிப்பது என்று தெரியாமல் பாஜக தேசிய தலைமை குழம்பி வருவதாக கூறப்படுகிறது. பேசாமல் வெளி ஆள் யாரையாவது நியமித்து விடலாமா என்று பேச்சு அடிப்பட்டு வருகிறது. தமிழக பாஜக தலைவராக வெளி நபர்கள் சிலர் விருப்பம் தெரிவித்து இருப்பதாகவும் கூறப்படுகிறது.

இன்னும் இல்லை

அதன்படி மத்திய அமைச்சர் ஒருவரும், பாஜக கட்சியில் இல்லாத இன்னொரு நபரும், முக்கிய அரசியல் ஆலோசகர் ஒருவரும் தமிழக பாஜக தலைவராக ஆசை தெரிவித்துள்ளதாக கூறப்படுகிறது. ஆனால் பாஜக தேசிய தலைமை இன்னும் சரியான முடிவை எடுக்கவில்லை என்று கூறுகிறார்கள்.

Published On September 8, 2019