பாஜக, பாமக, தேமுதிகவுடன் அதிமுக ரகசிய கூட்டணி பேச்சுவார்த்தை நடத்துகிறது.. வைத்திலிங்கம் பரபர பேட்டி
பாஜக, பாமக, தேமுதிகவுடன் கூட்டணி பேச்சுவார்த்தை... வைத்திலிங்கம் எம். பி பேட்டி
சென்னை : பாஜக, பாமக, தேமுதிகவுடன் ரகசிய கூட்டணி பேச்சுவார்த்தை நடந்து வருவதாக அதிமுக துணை ஒருங்கிணைப்பாளர் வைத்திலிங்கம் தெரிவித்துள்ளார்.
சென்னை ராயப்பேட்டையில் செய்தியாளர்களிடம் பேசிய அவர் இவ்வாறு கூறினார். மேலும் விரைவில் மக்களவை தேர்தலுக்கான அதிமுக கூட்டணி பற்றி அறிவிப்பு வரும் என்றார்.
அதிக எம்எல்ஏக்கள் மற்றும் எம்பிக்கள் ஆதரவாக இருப்பதால் இரட்டை இலை அதிமுகவிற்கு கிடைக்கும் என்றும் அவர் குறிப்பிட்டார்.
முன்னதாக, கூட்டணி தொடர்பாக முதல்வர், துணை முதல்வர் தலைமையில் ரகசிய ஆலோசனை நடைபெற்று வருகிறது என்றும் யாரும் எதிர்பார்க்காத அளவிற்கு சிறப்பான கூட்டணி அமைத்து அதிமுக வெற்றி பெறும் என்று கூறினார்.
மேலும், தினகரன் விரக்தியின் விளிம்பில் உள்ளார் என்றும், அவருக்கு வருகிற தேர்தலில் மக்கள் காதில் பூ வைப்பார்கள் எனவும் விமர்சித்தார். அதே நேரத்தில் தமிழகத்தில் அ.தி.மு.கவிற்கு நிகராக எந்த கட்சியும் இல்லை என்றும் வைத்திலிங்கம் தெரிவித்திருந்தது குறிப்பிடத்தக்கது.