செல்போனில் 84549 55555 எண்ணிற்கு மிஸ்ட் கால் கொடுங்க... சமையல் கேஸ் புக் பண்ணுங்க

செல்போனில் குறிப்பிட்ட எண்ணுக்கு மிஸ்டுகால் கொடுத்து சமையல் கேஸ் சிலிண்டர் பதிவு செய்யும் புதிய வசதியை இண்டேன் நிறுவனம் அறிமுகப்படுத்தியுள்ளது.

சென்னை: இண்டேன் காஸ் சிலிண்டர் உபயோகிப்பாளர்கள் கேஸ் சிலிண்டர்களை புக் செய்ய மிஸ்ட் கால் கொடுக்கும் வசதியை
பெட்ரோலியத் துறை அமைச்சர் தர்மேந்திர பிரதான் அறிமுகம் செய்துள்ளார். 84549 55555 என்ற எண்ணுக்கு மிஸ்ட் கால் கொடுப்பதன் மூலம் புதிய சிலிண்டருக்கு பதிவு செய்யலாம்.

சமையல் கேஸ் சிலிண்டர் புக் செய்ய ஐவிஆர்எஸ் முறை பின்பற்றப்படுகிறது. அதில் பதிவு செய்வது சிரமமாக உள்ளதாக பலரும் கருதுகின்றனர். நவம்பர் 1 முதல், இண்டேன் காஸ் சிலிண்டர் உபயோகிப்பாளர்கள் சிலிண்டர்களை புக் செய்ய புதிய எண் அறிமுகம் செய்யப்பட்டுள்ளது.

நாடு முழுமைக்கும் எங்கிருந்தாலும், இந்த ஒரே நம்பரில் இனி புக் செய்யலாம் என்று தெரிவிக்கப்பட்டது. எல்பிஜி ரீ ஃபில்லிங்கிற்கான பொதுவான முன்பதிவு எண் 7718955555. இதை வாடிக்கையாளர்கள் 24x7 எப்போது வேண்டுமானாலும் தொடர்பு கொள்ளலாம். இந்த முறையில் தமிழில் பதிவு செய்ய 9ஆம் எண்ணை அழுத்த வேண்டும். படிக்காத பலருக்கும் இந்த முறை கடும் சிரமமாக உள்ளது.

இந்த நிலையில் இண்டேன் காஸ் சிலிண்டர் உபயோகிப்பாளர்கள் கேஸ் சிலிண்டர்களை புக் செய்ய மிஸ்ட் கால் கொடுக்கும் வசதியை பெட்ரோலியத் துறை அமைச்சர் தர்மேந்திர பிரதான் அறிமுகம் செய்துள்ளார். 84549 55555 என்ற எண்ணுக்கு மிஸ்ட் கால் கொடுப்பதன் மூலம் புதிய சிலிண்டருக்கு பதிவு செய்யலாம்.

புதிய இணைப்பு பெறுவதற்கும் இந்த எண்ணில் மிஸ்டு கால் கொடுக்கலாம் என கூறப்பட்டுள்ளது. இச்சேவையை அறிமுகப்படுத்தி வைத்து பேசிய அமைச்சர் தர்மேந்திர பிரதான், மக்கள் மிக எளிதில் சமையல் கேஸ் சிலிண்டரை பெற இம்முறை உதவும் எனத் தெரிவித்தார்.

English summary

Indane Gas Cylinder users have the facility to give Missed Call to book gas cylinders Petroleum Minister Dharmendra Pradhan has introduced. You can register for a new cylinder by calling Mist at 84549 55555.Indian Oil LPG customers anywhere in the country can use a single missed call number.