சி.ஜோசப் விஜய் எனும் நான்.. விஜய் பதவியேற்பு விழாவில் பங்கேற்கும் ராகுல் காந்தி
சென்னை: தமிழகத்தின் முதல்வராக நாளை விஜய் பதவியேற்கும் நிகழ்ச்சியில், லோக்சபா எதிர்க்கட்சி தலைவரும், காங்கிரஸ் மூத்த தலைவருமான ராகுல் காந்தி பங்கேற்கிறார். இதற்காக நாளை காலை 8.40 மணியளவில் விமானத்தில் சென்னைக்கு ராகுல் காந்தி வருகை தருகிறார். ராகுல் காந்தி வருகையை முன்னிட்டு பலத்த பாதுகாப்பு ஏற்பாடுகளும் செய்யப்பட்டுள்ளன.
தமிழக சட்டசபை தேர்தலில் தனிப்பெரும் கட்சியாக வென்ற தவெகவிற்கு தனிப்பெரும்பான்மை கிடைக்க வில்லை. எனினும் தேர்தலுக்கு பிறகு காங்கிரஸ் தவெகவுடன் கூட்டணி அமைத்தது. இது போக கம்யூனிஸ்டுகள், விடுதலை சிறுத்தைகள், இந்திய யூனியன் முஸ்லீம் லீக் உள்ளிட்ட கட்சிகள் விஜய் ஆட்சி அமைக்க நிபந்தனையற்ற ஆதரவு தெரிவித்தன.
இதனால் 120 எம்.எல்.ஏக்கள் பலத்துடன் ஆட்சி கட்டிலில் அமர்கிறது தவெக. சென்னை நேரு உள்விளையாட்டு அரங்கில் நாளை பதவியேற்பு விழா நடைபெறுகிறது. ஆளுநர் அர்லேகர் விஜய் தமிழகத்தின் முதல்வராக ஆட்சி அமைக்க அழைப்பு விடுத்துள்ளார். நாளை காலை 10 மணிக்கு விஜய் முதல்வராக பதவியேற்கிறார். அவருக்கு ஆளுநர் அர்லேகர் பதவிப்பிரமாணம் செய்து வைக்கிறார்.
விஜய் முதல்வராக பதவியேற்கும் நிகழ்ச்சியில் லோக்சபா எதிர்க்கட்சி தலைவரும் காங்கிரஸ் மூத்த தலைவருமான ராகுல் காந்தி பங்கேற்கிறார். இதற்காக நாளை காலை 8.40 மணியளவில் விமானத்தில் சென்னைக்கு ராகுல் காந்தி வருகை தருகிறார். ராகுல் காந்தி வருகையை முன்னிட்டு பலத்த பாதுகாப்பு ஏற்பாடுகளும் செய்யப்பட்டுள்ளன.
Click it and Unblock the Notifications
Sign in with Google