Rajya sabha: நாடாளுமன்றத்திலும் தவெக? மாநிலங்களவை உறுப்பினர் பதவியைக் குறிவைக்கிறாரா விஜய்?
சென்னை: தமிழக அரசியலில் திடீர் திருப்பமாக, அதிமுகவின் முக்கிய முகமும் மாநிலங்களவை உறுப்பினருமான சி.வி.சண்முகம், சட்டசபை தேர்தலில் வென்றுவிட்டதால், அவர் தனது ராஜ்யசபா எம்பி பதவியை ராஜினாமா செய்ய உள்ளதாகத் தகவல்கள் வெளியாகியுள்ளன.
இந்தச் சூழலில், காலியாகும் அந்த இடத்தைக் கைப்பற்ற தமிழக வெற்றிக் கழகம் (தவெக) ஆர்வம் காட்டி வருவதாக அரசியல் வட்டாரங்களில் பரபரப்பு நிலவுகிறது.
அதிமுகவின் மூத்த தலைவர்களில் ஒருவரான சி.வி.சண்முகம், அக்கட்சியின் கொள்கை முடிவுகளில் முக்கியப் பங்கு வகிப்பவர். சமீபகாலமாக நிலவி வரும் கட்சி உள் விவகாரங்களால் தனது பதவியைத் துறந்து, முழுமையாக மாநில அரசியலில் கவனம் செலுத்தத் திட்டமிட்டதாகக் கூறப்படுகிறது.
இதனால்தான் ராஜ்யசபா எம்பியாக இருக்கும் போதிலும் அவர் சட்டசபைத் தேர்தலில் போட்டியிட்டு மயிலம் தொகுதியின் எம்எல்ஏவாகியுள்ளார். இதனால் அவர் ராஜ்யசபா எம்பி பதவியை ராஜினாமா செய்யவுள்ளார்.
தவெக-வின் வியூகம்?
நடிகர் விஜய் தலைமையிலான தமிழக வெற்றிக் கழகம், வரும் 2026 சட்டமன்றத் தேர்தலை இலக்காகக் கொண்டு செயல்பட்டது. இதில் 108 தொகுதிகளில் தவெக வென்றுள்ளது.
சி.வி.சண்முகம் ராஜினாமா செய்வதால் தவெக சார்பில் ஒருவரை மாநிலங்களவைக்கு அனுப்ப முடிந்தால், அது கட்சிக்குத் தேசிய அளவில் ஒரு அங்கீகாரத்தைத் தரும் என அக்கட்சித் தலைமை கருதுவதாகத் தெரிகிறது.
அரசியல் கணக்கு: மாநிலங்களவை உறுப்பினரைத் தேர்வு செய்ய எம்.எல்.ஏ-க்களின் ஆதரவு தேவை. ஒரு எம்பிக்கு 34 எம்எல்ஏக்களின் ஆதரவு தேவை. எனவே தவெக இந்த மாநிலங்களவை எம்பி பதவியை பெற முனைப்பு காட்டும் என சொல்லப்படுகிறது.
Click it and Unblock the Notifications
Sign in with Google