"ரூ.1000".. தங்கச்சிங்க விஷத்த குடிச்சிட்டு சாகுறாங்களே.. கேள்வி கேட்டவரையே கிறுகிறுக்க விட்ட சீமான்

சென்னை: செய்தியாளர்கள் ஒரு கேள்வியை சீமானிடம் கேட்டால், மொத்த பேரும் அசந்துபோகும்படியான, பதில் கேள்வியை சீமான் கேட்டுவிடுவார்.. அப்படித்தான் காஞ்சிபுரத்திலும் நடந்துள்ளது...!!

நாம் தமிழர் கட்சியின் ஒருங்கிணைப்பாளர் சீமான், காஞ்சிபுரத்தில் செய்தியாளர்களை சந்தித்து பேசினார்.. அப்போது வழக்கம்போல் திமுக அரசு மீதான விமர்சனங்களை முன்வைத்தார்.. சில கேள்விகளையும் எழுப்பினார்.. சில குற்றச்சாட்டுகளையும் முன்வைத்தார்.

சீமான் பேசியதாவது: "இப்போ என்ன நடக்குதுன்னு தெரிஞ்சிட்டு பேசுங்க.. பள்ளிக்கூடத்து குழந்தைகளுக்கு காலையிலேயே சோறு இல்லை.. சாப்பிட்டுவிட்டு, பள்ளிக்கூடம் கிளம்பி வர முடியல. இங்கே சோறு போட்டாதான் அவங்களுக்கு சாப்பாடு..

1000 ரூபாய்: பேருந்துக்கு யார்கிட்டயும் காசு இல்லை.. பேருந்து இலவசம்னு சொல்றீங்க.. குடும்ப தலைவிகளுக்கு ஆயிரம் ரூபாய் தரேன்னு சொல்றீங்க.. கல்லூரி படிக்கப்போகும் என் தங்கச்சிகளுக்கு 1000 ரூபாய் தரேன்னும் சொல்றீங்க.. அந்த ஆயிரம் ரூபாய்க்கு கையேந்தும் நிலைமையிலேதானே எங்களை எல்லாம் வெச்சிருக்கீங்க.. அப்பறம் "டெவலப்னு" ஏன் பேசறீங்க? வளர்ச்சி, வளர்ச்சின்னு ஏன் பேசறீங்க?

பள்ளிக்கூடத்துல பஸ் கட்டணம் இனி கிடையாது, இலவசம்னு சொல்றீங்களே... அப்படின்னா அந்த பள்ளிக்கூட படிப்புக்கான கட்டணத்தை யார் கட்டுவது? லட்சக்கணக்குல கேக்குறாங்களே? நீங்க வேணும்னா கல்வி கட்டணத்தை எடுத்துக்குங்க... இலவசமாகவும், தரமாகவும் கல்வியை எங்களுக்கு குடுங்க.. பஸ் கட்டணத்தை நாங்களே போட்டுக்கறோம்.. எது வளர்ச்சின்னு இருக்கு இல்லை?" என்று தடாலடியாக திருப்பி கேட்டார் சீமான்.

நல்ல விஷயம்தான்: இதையடுத்து செய்தியாளர்கள், திருச்சியில் முதல்வர் ஸ்டாலினிடம் பெண்கள் கோரிக்கை வைத்த நிலையில், உடனடியாக அதை நிறைவேற்றி தந்துள்ளாரே.. இதை பற்றி என்ன நினைக்கிறீர்கள் என்று கருத்து கேட்டனர். அதற்கு சீமான் சொன்னதாவது:

"நல்ல விஷயம்தான்.. வரவேற்கிறேன்.. பெண்களின் கோரிக்கையை உடனே ஏற்று நிறைவேற்றியதைபோல, ஒவ்வொன்னையும் உடனே உடனே செய்துட்டா, ரொம்ப நல்லாயிருக்கும்.. பள்ளிக்கூடத்து பிள்ளைங்க எல்லாம், என் அப்பாவை குடியை நிறுத்த சொல்லுங்கன்னு, விஷத்தை குடிச்சிட்டு செத்துப்போறாங்க.. அந்த கோரிக்கையை ஏற்று, டாஸ்மாக்கை நிப்பாட்டிட்டாருன்னா, ரொம்ப நல்லாயிருக்கும்" என்றார் சீமான்.

தம்பிகள்: வழக்கம்போல சீமானின் தம்பிகள் இந்த வீடியோவையும் இணையத்தில் வைரலாக்கி வருகிறார்கள்.. திமுக தரப்பினர் திரண்டு சென்று சரமாரியாக பதிலளித்து கொண்டிருக்கிறார்கள்.

English summary

can dmk government Close Tasmac and What are Seeman's allegations against DMK