அதிமுக வேட்பாளர் பட்டியலில் இதை கவனிச்சீங்களா! ஆதிதிராவிடர்கள் இல்லையே.. ஷாக் ரிப்போர்ட்

சென்னை: முதற்கட்ட வேட்பாளர் பட்டியலை அதிமுக நேற்று வெளியிட்டிருந்தது. 23 பேர் கொண்ட லிட்டில், ஒருவர் கூட தலித் வேட்பாளர்கள் இல்லாது கடும் விமர்சனங்களை ஏற்படுத்தியிருக்கிறது.

திமுக சமூகநீதியை காக்கவில்லை, நாங்கள்தான் காப்பாற்றுகிறோம் என்று சொல்லிக்கொண்டிருக்கும் எடப்பாடி பழனிசாமி, ஏன் தனது வேட்பாளர்கள் பட்டியலில் ஒரு தலித்தை கூட அறிவிக்கவில்லை என்று கேள்வி எழுந்திருக்கிறது.

அதிமுக வெளியிட்டுள்ள முதற்கட்ட 23 வேட்பாளர்கள் பட்டியலில் சாதி வாரியாக அளிக்கப்பட்டிருக்கும் பிரதிநிதித்துவம்

கொங்கு வெள்ளாள கவுண்டர்: 5 பேர்
முக்குலத்தோர்: 8 பேர்
வன்னியர்: 4 பேர்
இதர சமூகத்தினர்: 6 பேர் (நாடார், முதலியார், செட்டியார் உள்ளிட்டோர்)

இந்த முதற்கட்ட பட்டியலில் ஆதி திராவிடர் சமூகத்தைச் சேர்ந்த ஒரு பெயர்கூட இடம்பெறவில்லை என்பது ஊடகங்களில் விமர்சனமாக முன்வைக்கப்பட்டது. குறிப்பாக, அந்த சமூகத்தின் முக்கிய முகமாக இருந்த முன்னாள் சபாநாயகர் ப. தனபால் அவர்களுக்கு அவிநாசி தொகுதி வழங்கப்படாதது இந்த விமர்சனத்தை அதிகப்படுத்தியுள்ளது.

எடப்பாடி பழனிசாமி அவர்கள் பொதுச்செயலாளராகப் பொறுப்பேற்ற பிறகு, கட்சியில் கொங்கு மண்டலத்தைச் சேர்ந்த கவுண்டர் சமூகத்தினருக்கு அதிக முக்கியத்துவம் அளிக்கப்படுவதாக ஒரு பிம்பம் உருவாகியுள்ளது. முக்கிய முடிவெடுக்கும் அதிகாரத்தில் அந்தச் சமூகத்தைச் சேர்ந்தவர்களே முன்னிலையில் இருப்பது போன்ற தோற்றம் மற்ற சமூகத்தினரிடையே ஒருவித அதிருப்தியை ஏற்படுத்தியுள்ளது. அதேபோல தலித்

ஆனால், இது குறித்து கூறிய அதிமுக நிர்வாகிகள், இது வெறும் முதற்கட்டப் பட்டியல் மட்டுமே. மொத்தம் 169 தொகுதிகளில் அதிமுக போட்டியிடுகிறது. அடுத்தடுத்த பட்டியல்களில் அனைத்துச் சமூகத்தினருக்கும், குறிப்பாக தலித் மற்றும் சிறுபான்மையினருக்கும் தகுந்த பிரதிநிதித்துவம் வழங்கப்படும் என்று கூறுகின்றனர்.

English summary

Caste Politics in AIADMK 2026 List: The AIADMK released its first list of candidates yesterday. This list of 23 names has drawn severe criticism, as it does not include a single Dalit candidate.