சென்னை பட்டினப்பாக்கம் டிமான்டி சாலைக்கு எம்.எஸ்.விஸ்வநாதன் பெயர் சூட்ட முடிவு!

Updated: Monday, June 30, 2025, 15:50 [IST]

Subscribe to Oneindia Tamil

சென்னை: சென்னை பட்டினப்பாக்கம் டிமான்டி சாலைக்கு இசையமைப்பாளர் எம்.எஸ்.விஸ்வநாதன் பெயர் சூட்டுவதற்கு மாநகராட்சி மன்ற கூட்டத்தில் தீர்மானம் நிறைவேற்றப்பட்டது. மேயர் பிரியா தலைமையில் இந்த கூட்டம் நடந்தது.

சென்னை மாநகராட்சியின் மாதாந்திர கவுன்சில் கூட்டம் இன்று காலை 10 மணிக்கு மேயர் பிரியா தலைமையில் நடைபெற்றது. இந்த மாநகராட்சி கூட்டத்தில் பல்வேறு தீர்மானங்கள் நிறைவேற்றப்பட்டன.

இந்த கூட்டத்தில் இசையமைப்பாளர் எம்.எஸ்.விஸ்வநாதன் பெயர் சூட்டுவதற்கு மாநகராட்சி மன்ற கூட்டத்தில் தீர்மானம் நிறைவேற்றப்பட்டுள்ளது. அது போல் கீழ்ப்பாக்கத்தில் உள்ள வாடல்ஸ் சாலையை எஸ்ரா சற்குணம் சாலை என பெயர் மாற்றம் செய்யவும் சென்னை மாநகராட்சி அனுமதி அளித்துள்ளது.

எம்எஸ் விஸ்வநாதன் 1928 ஆம் ஆண்டு ஜூன் 24 ஆம் தேதி கேரள மாநிலம் பாலக்காட்டில் பிறந்தவர். சின்ன வயதிலேயே நடிகராகவும் பாடகராகவும் தான் வர வேண்டும் என விஸ்வநாதன் ஆசைப்பட்டார். ஆரம்பத்தில் நாடகங்களில் சின்ன சின்ன ரோல்களில் நடித்தவர், டி.ஆர். பாப்பா மூலம் எஸ்வி வெங்கட்ராமின் இசை குரூப்பில் சேர்ந்தார்.

அப்போது முதல் இசையில் பயணிப்பது என முடிவு செய்தார். இவர் கவிஞர் கண்ணதாசன் எழுதிய பாடல்களுக்கு இசையமைத்துள்ளார். இதுவரை 1700 படங்களுக்கு மேல் இசையமைத்திருக்கிறார்.