சென்னை வெள்ளம்.. அடித்து செல்லப்பட்ட பிரிட்ஜ், டிவி உபகரணங்கள்.. காப்பீடு பெறுவது ரொம்ப ஈஸி

Updated: Thursday, December 7, 2023, 16:57 [IST]

Subscribe to Oneindia Tamil

சென்னை: மிக்ஜாம் புயல் ஒட்டுமொத்த சென்னையையும் புரட்டிப் போட்டுள்ள நிலையில், பிரிட்ஜ், டிவி போன்ற பொருட்களுக்குக் காப்பீடு கிடைக்குமா என்பது குறித்து நாம் பார்க்கலாம்.

மிக்ஜாம் புயல் சென்னைக்குக் கனமழையை மட்டுமின்றி மிக மோசமான பாதிப்பையும் சேர்த்தே கொடுத்துள்ளது. குறிப்பிட்ட பகுதியில் மட்டுமின்றி சென்னையில் பல்வேறு இடங்களிலும் இந்த கனமழையால் மிக மோசமான பாதிப்பு ஏற்பட்டது.

Chennai flood Will home insurance covers fridge, TV, jewellery damages

இதனால் சென்னையில் பல இடங்களிலும் உள்ள வீடுகளில் நீர் புகுந்தது. இதனால் பல வீடுகளில் பாதிப்புகள் மிக மோசமாக இருந்தது. இதற்கிடையே இதுபோன்ற பாதிப்புகளுக்குக் காப்பீடு கிடைக்குமா என்ற கேள்வி பலருக்கும் வரலாம். அதற்கான விடையை நாம் பார்க்கலாம்.

காப்பீடு: இவை எல்லாம் காப்பீடுகளில் கவர் ஆகும் என்றாலும் நாம் அதற்கான வீட்டு இன்சூசரன்ஸை முதலில் எடுக்க முடியும். இது குறித்து துறை சார்ந்த வல்லுநர்கள் கூறுகையில், "நாட்டின் பல்வேறு பகுதிகளில் இயற்கை பேரழிவுகள் அதிகரித்து வருகிறது. முன்பெல்லாம் சூறாவளிகள், வெள்ளம் போன்ற இயற்கை பேரிடர்கள் அவ்வப்போது நடந்து வந்தன. ஆனால், இப்போபது அவை அடிக்கடி நிகழத் தொடங்கியுள்ளன.

இதனால் நாம் இருக்கும் வீடுகளைக் காப்பீடு செய்வது என்பது ஆப்ஷனல் என்பதில் இருந்து அத்தியாவசியமான ஒன்றாக மாறிவிடுகிறது. இந்தியாவில் பொதுவாக வீட்டுக் காப்பீடு என்பது பொதுவாகக் கட்டிடம் மற்றும் உள்ளே இருக்கும் பொருட்கள் என இரண்டையும் உள்ளடக்கியே இருக்கிறது. இந்த காப்பீடு வீட்டு உரிமையாளர்களுக்குக் கிடைக்கும். மேலும் வாடகை வீடுகளுக்கும் எடுக்க முடியும்.

பாதுகாக்கும்: ஒரு சிறந்த வீட்டுக் காப்பீடு என்பது இயற்கைப் பேரழிவுகள் அல்லது எதிர்பாராத பேரழிவுகளால் ஏற்படும் சேதங்களில் இருந்து உங்களைப் பாதுகாக்கும். நீங்கள் சரியான ஹோம் இன்சூரன்ஸை எடுத்தால் அதில் வீட்டில் இருக்கும் நகைகள், பொருட்கள், டிவி, பிரிட்ஜ், இதர வீட்டு உபயோகப் பொருட்கள் என அனைத்துமே கவரேஜ்ஜில் வரும்.

தீ விபத்துகள், திடீர் சேதங்கள் என அனைத்தையும் இது உள்ளடக்கி இருக்கும். வீட்டில் இருக்கும் அனைத்து மதிப்புமிக்க பொருட்களுக்கும் தனிப்பட்ட உடைமைகளுக்கு இது பாதுகாப்பை வழங்குகிறது. அதிலும் இப்போது சில காப்பீட்டுத் திட்டங்களில் குறிப்பிட்ட உயர் மதிப்புள்ள பொருட்களுக்கு ஏற்கனவே இரு தரப்பும் ஒப்புக்கொள்ளும் தொகையைக் கூட தர ரெடியாகி இருக்கிறது.

எதற்கெல்லாம் காப்பீடு கிடைக்கும்: சில காப்பீட்டு பாலிசிகளில் மொபைல், கணினிகள், கூட கவரேஜ்ஜில் வரும். அதேநேரம் வெள்ளம் போன்ற பேரழிவு ஏற்படும் போது முழு வீட்டையும் சரி செய்ய ஆகும் செலவு என்பது காப்பீட்டுத் தொகையைக் காட்டிலும் அதிகம் ஆகவும் வாய்ப்பு இருக்கிறது. எனவே, பாலிசி எடுக்கும் போதே கவரேஜ் எந்தளவுக்குத் தேவை என்பதை முடிவு செய்து அதற்கேற்ப பாலிசி எடுக்க வேண்டும். பொதுவாக வீட்டின் வகை, இருப்பிடம் மற்றும் உடைமைகளின் மதிப்பு போன்றவற்றை கணக்கில் எடுத்துக் கொள்ள வேண்டும்.

பிரீமியம் தொகை என்பது வீட்டின் வயது, கட்டமைப்பு வகை, கட்டுமான செலவுகள் போன்றவற்றை மனதில் வைத்து முடிவு செய்வார்கள். அதேநேரம் தப்பித் தவறியும் குறைவான பிரீமியம் தொகையில் கிடைக்கிறது என்று ஏதோ ஒரு இன்சூரன்ஸை எடுத்துவிடாதீர்கள். பிறகு இதுபோன்ற வெள்ள பாதிப்பு ஏற்படும் போது சொற்ப தொகையே கிடைக்கும். எனவே, பொறுமையாக அனைத்து விதிமுறைகளையும் படித்து உங்களுக்கு எந்த காப்பீடு சரியாக இருக்கும் என்பதை ஆய்வு செய்து அதற்கேற்ப திட்டத்தைத் தேர்வு செய்யுங்கள்" என்றார்.