இறங்கிய வேகத்திலேயே ஏறிய சின்ன வெங்காயம்.. கோயம்பேட்டில் இஞ்சி பாருங்க.. சென்னையில் காய்கறிகள் விலை

சென்னை: காய்கறிகளின் விலையில் திடீரென நிறைய மாற்றங்கள் தென்பட துவங்கி உள்ளன.. என்ன காரணம்? கோயம்பேட்டில் என்ன நடக்கிறது தெரியுமா?

தமிழகத்தில் காய்கறிகள் உற்பத்தி நடந்தாலும், அவை உள்ளூர் தேவையை முழுமையாக பூர்த்தி செய்யும் அளவிற்கு எப்போதுமே இருப்பதில்லை.. சிலசமயம், பருவமழை கோளாறும் காரணமாகிவிடுகிறது.

விளைச்சல்: எனவேதான், வெளிமாநிலங்களில் இருந்து காய்கறிகள் தமிழகத்துக்கு கொண்டு வரப்படுகின்றன... குறிப்பாக, பெரிய வெங்காயம், தக்காளி போன்றவை கர்நாடகா, ஆந்திரா மற்றும் வடமாநிலங்களில் அதிகளவு விற்பனைக்கு கொண்டுவரப்படுகிறது. பருவமழை காரணமாக, காய்கறி பயிர்கள் ஏராளமாக அழிந்துவிட்டன...

முக்கியமாக தக்காளி, சின்ன வெங்காயம், உருளைக்கிழங்கு, பீன்ஸ், கத்திரிக்காய், கேரட், பீன்ஸ் போன்றவை உற்பத்தி கடுமையாக பாதிக்கப்பட்டன. அதனால், இந்த வகை காய்கறிகள் சந்தைகளுக்கு குறைவாக வர துவங்கின.. விலையும் அதிகமாகவே இருந்தது.

காய்கறிகள்: இதற்கு பிறகுதான், காய்கறிகளின் வரத்து அதிகமாகி விலையும் தமிழகத்தில் மெல்ல குறைய துவங்கியது. 10 நாட்களுக்கு முன்பு, பெரும்பாலான காய்கறிகளின் விலைகள் குறைந்திருந்த நிலையில், தற்போது அவைகளில் மாற்றம் தென்பட துவங்கி உள்ளது...

உதாரணத்துக்கு, நேற்று 15 ரூபாய்க்கு விற்கப்பட்ட ஒரு கிலோ வெள்ளரிக்காய், இன்று 20 ரூபாயாக அதிகரித்துள்ளது. 100 ரூபாய்க்கு விற்கப்பட்ட இஞ்சி, இப்போது 110 ரூபாய்க்கு விற்கப்படுகிறது. கோடை காலம் துவங்கியிருப்பதால், காய்கறிகளின் விலையில் ஏற்ற இறக்கங்கள் இருக்கும் என்று சொல்லப்படுகிறது.

மேலும் சில காய்கறிகளின் விலைகள் லிஸ்ட் இதுதான்:

1.எலுமிச்சை - ரூ.80/-
2.தக்காளி - ரூ.16/-
3.வெங்காயம் - ரூ.16/-
4.பீன்ஸ் - ரூ.60/-
5.பீட்ரூட் - ரூ.20/-
6.பாகற்காய் - ரூ.15/-
7.சுரைக்காய் - ரூ.10/-
8.கத்திரிக்காய் - ரூ.10/-
9.முட்டைக்கோஸ் - ரூ.10/-
10.குடை மிளகாய் - ரூ.20/-
11.கேரட் - ரூ.50/-
12.காலிபிளவர் - ரூ.10/-
13.சௌசௌ காய் - ரூ.20/-
14.தேங்காய் (ஒன்றின் விலை) - ரூ.18/-
15.கொத்தமல்லி (50 கட்டுகள்) - ரூ.100/-
16.முருங்கைக்காய் - ரூ.15/-
17.கருணைக்கிழங்கு - 15/-
18.இஞ்சி - ரூ.110/-
19.பச்சை மிளகாய் - ரூ.25/-
20.வாழைக்காய் (ஒன்றின் விலை) - ரூ.3/-
21.வெண்டைக்காய் - ரூ.20/-
22.கோவைக்காய் - ரூ.25/-
23.மாங்காய் - ரூ.20/-
24.நூக்கல் - ரூ.10/-
25.சாம்பார் வெங்காயம் - ரூ.25/-
26.உருளைக்கிழங்கு - ரூ.15/-
27.முள்ளங்கி - ரூ.20/-
28.அவரைக்காய் - ரூ.20/-
29.புடலங்காய் - ரூ.10/-
30.சேனைக்கிழங்கு - ரூ.5/-

English summary

Chennai Koyambedu Vegetable Price list and Do you know the rate of Small Onion, Ginger in Koyambedu Market