கொடைக்கானலாக மாறப்போகும் 20 மாவட்டங்கள்! வெளுத்து வாங்கப் போகும் கனமழை! உங்க ஊர் இருக்கானு பாருங்க!

சென்னை : தமிழக பகுதிகளில் மேல் நிலவும் வளிமண்டல கீழடுக்கு சுழற்சி காரணமாக நீலகிரி, கோயம்புத்தூர், திருப்பூர், திண்டுக்கல், தேனி, ராணிப்பேட்டை உள்ளிட்ட 20 மாவட்டங்களில் இன்று தொடங்கி 5 கனமழை பெய்ய வாய்ப்பிருப்பதாக சென்னை வானிலை ஆய்வு மையம் கணித்துள்ளது.

பொதுவாக புரட்டாசி மாதம் என்றாலே காலையில் வெயில், மாலையில் மழை, இரவு பனி என தான் காலை நிலை இருக்கும், சில நேரங்களில் காலை முதலே மழையும் பெய்து வருகிறது. தமிழகத்தின் பல்வேறு மாவட்டங்களில் கனமழை பெய்து வருவதன் காரணமாக நீர் நிலைகளும் நிரம்பி உள்ளது.

கடந்த ஒரு வாரத்திற்கும் மேலாக கனமழை பெய்து வரும் நிலையில் இன்றும் தமிழ்நாடு புதுவை மற்றும் காரைக்கால் உள்ளிட்ட பகுதிகளில் 20 மாவட்டங்களில் கனமழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

இன்று கனமழை

இதுதொடர்பாக வெளியிடப்பட்டுள்ள அறிக்கையில்,"தமிழக பகுதிகளில் மேல் நிலவும் வளிமண்டல கீழடுக்கு சுழற்சி காரணமாக, இன்று தமிழ்நாடு, புதுவை மற்றும் காரைக்கால் பகுதிகளில் அநேக இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும். நீலகிரி, கோயம்புத்தூர், திருப்பூர், திண்டுக்கல், தேனி, விருதுநகர், தென்காசி, வேலூர், திருப்பத்தூர், கிருஷ்ணகிரி, தருமபுரி, கள்ளக்குறிச்சி, சேலம், நாமக்கல், ஈரோடு, கரூர், திருச்சிராப்பள்ளி, புதுக்கோட்டை, சிவகங்கை மற்றும் மதுரை மாவட்டங்களில் ஓரிரு இடங்களில் கனமழை பெய்ய வாய்ப்புள்ளது.

5 நாட்கள் மழை

நாளை முதல் 20ஆம் தேதி வரை தமிழ்நாடு, புதுவை மற்றும் காரைக்கால் பகுதிகளில் அநேக இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும். நாளை நீலகிரி, கோயம்புத்தூர், திருப்பூர், திண்டுக்கல், தேனி, விருதுநகர், தென்காசி, கன்னியாகுமரி, திருப்பத்தூர், கிருஷ்ணகிரி, தருமபுரி, கள்ளக்குறிச்சி, சேலம், ஈரோடு, நாமக்கல், கரூர், திருச்சிராப்பள்ளி, புதுக்கோட்டை, சிவகங்கை, மதுரை, கடலூர், பெரம்பலூர், அரியலூர், மயிலாடுதுறை, நாகப்பட்டினம், திருவாரூர், தஞ்சாவூர் மாவட்டங்கள் மற்றும் காரைக்கால் பகுதிகளில் ஓரிரு இடங்களில் கனமழை பெய்ய வாய்ப்புள்ளது.

சென்னை வானிலை

அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி மின்னலுடன் கூடிய மிதமான மழை பெய்யக்கூடும். அதிகபட்ச வெப்பநிலை 33-34 டிகிரி செல்சியஸ் மற்றும் குறைந்தபட்ச வெப்பநிலை 25-26 டிகிரி செல்சியஸ் அளவில் இருக்கக்கூடும்.

மழை அளவு

கடந்த 24 மணி நேரத்தில் அதிகபட்சமாக கீழ் கோதையார் ARG (கன்னியாகுமரி) 13, குப்பணம்பட்டி (மதுரை) 10, வேதாரண்யம் (நாகப்பட்டினம்) 9, பேச்சிப்பாறை (கன்னியாகுமரி), ஒகேனக்கல் (தருமபுரி), காரைக்குடி (சிவகங்கை), வாடிப்பட்டி (மதுரை), தானியமங்கலம் (மதுரை) தலா 7, பவானிசாகர் (ஈரோடு), தென்பரநாடு (திருச்சி), வீரகனூர் (சேலம்) தலா 6, மேலாளத்தூர் (வேலூர்), உசிலம்பட்டி (மதுரை), ஆண்டிபட்டி (தேனி), போடிநாயக்கனூர் (தேனி), மேலூர் (மதுரை), மீமிசல் (புதுக்கோட்டை), பேச்சிப்பாறைAMFU (கன்னியாகுமரி), கொப்பம்பட்டி (மதுரை) தலா 5 செண்டி மீட்டர் மழை பெய்துள்ளது.

மீனவர்களுக்கு எச்சரிக்கை

இன்றும் நாளையும் லட்ச தீவு பகுதிகள், மாலத்தீவு பகுதிகள், குமரிக்கடல் பகுதிகள் மற்றும் அதனை ஒட்டிய தென் கிழக்கு அரபிக்கடல் பகுதிகளில் சூறாவளிக்காற்று மணிக்கு 40 முதல் 50 கிலோ மீட்டர் வேகத்திலும் இடையிடையே 60 கிலோ மீட்டர் வேகத்திலும் வீசக்கூடும்.மேற்குறிப்பிட்ட நாட்களில் மீனவர்கள் இப்பகுதிகளுக்கு செல்ல வேண்டாமென்று அறிவுறுத்தப்படுகிறார்கள்." என குறிப்பிடப்பட்டுள்ளது.

English summary

Chennai Meteorological Department has predicted that 20 districts including Nilgiri, Coimbatore, Tirupur, Dindigul, Theni, Ranipet are likely to receive 5 heavy rains starting today due to the atmospheric circulation prevailing over Tamil Nadu.