Chennai Rains: கோயம்பேடு, அண்ணாநகர் என.. சென்னையில் பரவலாக மழை! வெயிலின் தாக்கம் குறைந்தது

சென்னை: தமிழ்நாட்டில் கடந்த ஜூன் மாதம் தொடங்கி தென்மேற்கு பருவமழை பெய்து வருகிறது. ஆனால் தென் மற்றும் கொங்கு மாவட்டங்களில்தான் மழையின் தாக்கம் அதிகமாக இருந்தது. ஆனால் வட மாவட்டங்களில் போதிய அளவுக்கு மழை இல்லை. இந்நிலையில் தற்போது சென்னை உட்பட வட மாவட்டங்களில் மழை பெய்ய தொடங்கியுள்ளது.

சென்னையில் கோயம்பேடு, அண்ணாநகர், பாடி, வில்லிவாக்கம், அயனாவரம், கொளத்தூர் உள்ளிட்ட பகுதிகளில் மழை பெய்து வருகிறது.

முன்னதாக மழை குறித்து வானிலை ஆய்வு மையம் இன்று மதியம் விடுத்திருந்த அறிவிப்பில், "தென்னிந்திய பகுதிகளின் மேல் ஒரு வளிமண்டல மேலடுக்கு சுழற்சி நிலவுகிறது. இதன் காரணமாக, இன்று தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும், இடி, மின்னலுடன் கூடிய, லேசானது முதல் மிதமான மழை பெய்யக்கூடும்.

ராணிப்பேட்டை, திருவண்ணாமலை, கள்ளக்குறிச்சி, பெரம்பலூர், கடலூர், அரியலூர் மற்றும் சிவகங்கை மாவட்டங்களில் ஓரிரு இடங்களில் கனமழை பெய்ய வாய்ப்புள்ளது.

நாளை முதல் ஆக.16 வரை தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும், லேசானது முதல் மிதமான மழை பெய்யக்கூடும்.

சென்னை மற்றும் புறநகர் பகுதிகளுக்கான வானிலை முன்னறிவிப்பு:

இன்று (10-08-2025): வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி, மின்னலுடன் கூடிய, லேசான / மிதமான மழை பெய்ய வாய்ப்புள்ளது. அதிகபட்ச வெப்பநிலை 36° செல்சியஸை ஒட்டியும், குறைந்தபட்ச வெப்பநிலை 26-27° செல்சியஸை ஒட்டியும் இருக்கக்கூடும்.

நாளை (11-08-2025): வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் லேசான மழை பெய்ய வாய்ப்புள்ளது. செல்சியஸை ஒட்டியும், குறைந்தபட்ச வெப்பநிலை அதிகபட்ச வெப்பநிலை 36-37* 27° செல்சியஸை ஒட்டியும் இருக்கக்கூடும்." என தெரிவிக்கப்பட்டிருந்தது.

English summary

Chennai Rains(சென்னையில் மழை): Chennai is experiencing widespread rainfall, with heavy showers reported across the city. The IMD predicts continued downpours, leading to potential waterlogging and traffic disruptions. Stay tuned for live updates and safety advisories.