10 வருட ஏமாற்றத்திற்கு முடிவு.. சென்னையில் தொடங்கிய புதிய ஐடி சகாப்தம்.. 21 மாஸ்டர் பிளான் ரெடி!

சென்னை; சென்னையில் 21 புதிய ஐடி பார்க் அமைக்கும் பணிகள் நடந்து வருகின்றன. இதன் மூலம் சென்னை ஐடி துறை புதிய உச்சத்தை அடையும் என்று எதிர்பார்க்கப்படுகிறது.

இந்தியாவில் ஐடி புரட்சியை ஏற்படுத்திய மாநிலங்களில் தமிழ்நாடுதான் முன்னோடி. சென்னையில் முதல் ஐடி பூங்காவை கொண்டு வந்து இந்தியாவிற்கே தமிழ்நாடு வழிகாட்டியாக இருந்தது. ஆனால் அதன்பின் ஐடி பூங்காங்கள் பெரிய அளவில் சென்னை தாண்டி மற்ற மாவட்டங்களுக்கு விரிவுபடுத்தப்படவில்லை.

கோவை உள்ளிட்ட சில மாவட்டங்களில் சில நிறுவனங்கள் ஆங்காங்கே தொடங்கப்பட்டாலும் முழுமையாக சென்னையை போல பெரிதாக எங்கும் பல ஐடி நிறுவனங்கள் வரவில்லை. அதிலும் கடந்த 2011- 2021 கால கட்டத்தில் சென்னையை ஹைதராபாத் போன்ற நகரங்கள் ஐடி துறையில் முந்தின. சென்னை ஐடி துறையில் பெரிய அளவில் பின்னடைவை சந்தித்தது.,

தமிழ்நாடு அரசு அதிரடி: இந்த நிலையில்தான் கடந்த 2022 பட்ஜெட்டில் புதிய டைடல் பூங்காக்கள் குறித்த அறிவிப்பை தமிழ்நாடு அரசு வெளியிட்டது. பெங்களூர், ஹைதராபாத் ஐடி துறையின் வேகத்தால் நாம் அடைந்த பின்னடைவை சரி செய்ய வேண்டும். பாரம்பரிய ஐடி தொழில்நுட்பங்கள் மட்டுமின்றி ஏஐ தொழில்நுட்பம் ஆகியவற்றில் கவனம் செலுத்த வேண்டும் என்ற எதிர்பார்ப்பு உள்ள நிலையில்தான் தமிழ்நாடு முழுக்க புதிய ஐடி நிறுவனங்களை தொடங்க தமிழ்நாடு அரசு முடிவு செய்துள்ளது.

10 இடங்களில் ஐடி பார்க்: அந்த வகையில்தான் தமிழ்நாட்டில் சென்னை, கோவை, மதுரை உட்பட 10 நகரங்களில் ஐடி பார்க் அமைக்கப்படும் என்று தமிழ்நாடு அரசு சமீபத்தில் தெரிவித்தது. இதற்கான பணிகள் வேகமாக நடந்து வருகின்றன. சமீபத்தில் கூட சேலம், தூத்துக்குடி மற்றும் தஞ்சாவூரில் என்று சமீபத்தில் மூன்று டைடல் பார்க் அமைக்க முதல்வர் ஸ்டாலின் அடிக்கல் நாட்டினார்.

சென்னை மாற்றம் : சென்னையில் 21 புதிய ஐடி பார்க் அமைக்கும் பணிகள் நடந்து வருகின்றன. இதன் மூலம் சென்னை ஐடி துறை புதிய உச்சத்தை அடையும் என்று எதிர்பார்க்கப்படுகிறது.

2024-2029 வரை சென்னையில் வரவிருக்கும் முக்கிய IT பூங்காக்களின் பட்டியல், மில்லியன் சதுர அடி பரப்பளவில் கொடுக்கப்பட்டு உள்ளது.

1. Fintech City Ph-1 : குறைந்தது 10 மில்லியன் சதுர அடி
2. DLF டவுன்டவுன் : 6.8
3. எல்&டி இன்னோவேஷன் கேம்பஸ் : 6.5
4. RMZ ஒரு விரிவாக்கம்: 5.1
5. சத்திய பெருங்குடி : ~4
6. சர்வதேச தொழில்நுட்ப பூங்கா விரிவாக்கம் : 3.3
7. TCS சிறுசேரி Ph-2 : 3.2
8. தூதரகம் சிறப்பான விரிவாக்கம் : 3
9. ரஹேஜா பள்ளிக்கராணி : ~2
10. லீ கிம் தஹ் சிறுசேரி : ~2
11. பிரிகேட் ரேடியல் Rd : 1.5
12. ASV ஐகான் (நாவலூர்) : 1.2
13. பிரஸ்டீஜ்- WS : 1
14. பாஷ்யம் கிண்டி : ~1
15. காசாகிராண்ட் (3 திட்டங்கள்) : ~1.1
16. ASV ஹுசைனி Ph-1 : 1
17. TNHB, Peters Rd : ~1
18. கேப்ஜெமினி விரிவாக்கம் : ~0.8
19. பிரிகேட் அண்ணாசாலை : ~0.6
20. டைடல் பார்க் ஆவடி : 0.55
21. பீனிக்ஸ் மால் ஐடி டவர் : 0.4

250,000 - 400,000 சதுர அடி வரம்பில் உள்ள பல சிறிய IT பூங்காக்கள் நகரமெங்கும் ஏற்கனவே கட்டப்பட்டு வருகிறது. அவுட்டர் ரிங் ரோட்டில் 3 ஐடி பூங்காக்களுக்கு ~ 12 ஏக்கர் ஒதுக்கப்பட்டு உள்ளது. புதிய எஃப்எஸ்ஐ மூலம் பெரிய உயரமான கட்டிடங்கள் வரும் காலங்களில் எதிர்பார்க்கலாம்.

English summary

Chennai to get 21 new major IT parks in coming years: Massive project update