நடிகர் திலகம் சிவாஜி கணேசனின் 95வது பிறந்தநாள்.. புகைப்படத்திற்கு மலர்தூவி ஸ்டாலின் மரியாதை
சென்னை: நடிகர் திலகம் சிவாஜி கணேசனின் 95வது பிறந்தநாளை முன்னிட்டு, அவரது புகைப்படத்திற்கு முதலமைச்சர் மு.க.ஸ்டாலின் மலர்தூவி மரியாதை செலுத்தினார்.
நடிகர் திலகம் சிவாஜி கணேசனின் 95-வது பிறந்தநாள் இன்று கொண்டாடப்படுகிறது. இதனையொட்டி அவரது புகைப்படத்திற்கு முதலமைச்சர் மு.க.ஸ்டாலின் மலர்தூவி மரியாதை செலுத்தியுள்ளார்.
நடிகர் சிவாஜி கணேசனின் வெண்கல சிலை சென்னை ஆர்.ஏ.புரம் மணிமண்டபத்திற்கு வெளியே அமைக்கப்பட்டுள்ளது. சிவாஜி சிலையை மக்கள் பார்வைக்கு படும்படி வெளியே அமைக்குமாறு கோரிக்கை வைத்த நிலையில், வெளியே அமைக்கப்பட்டுள்ளது. இந்த நிலையில் சிலைக்கு கீழ் அமைக்கப்பட்டிருந்த புகைப்படத்திற்கு முதலமைச்சர் மு.க.ஸ்டாலின் மற்றும் அமைச்சர்கள் மலர்தூவி மரியாதை செலுத்தியுள்ளனர்.
இதனைத்தொடர்ந்து முதலமைச்சர் மு.க.ஸ்டாலின் மணிமண்டபத்தை பார்வையிட்டு சிவாஜி கணேசனின் குடும்பத்தினரிடம் சிறிது நேரம் பேசினார். இதனிடையே தமிழக காங்கிரஸ் தலைவர் கே.எஸ்.அழகிரி சிவாஜி சிலைக்கு மரியாதை செலுத்த வந்தார். அப்போது கே.எஸ். அழகிரி - மு.க.ஸ்டாலின் சந்தித்தனர்.
இதையடுத்து கவிஞர் வைரமுத்து, நடிகர் பிரபு, நடிகர் ராஜேஷ், இயக்குநர் ஆர்.கே.செல்வமணி உள்ளிட்டோரும் மரியாதை செலுத்தினர். தொடர்ந்து சிவாஜி கணேசனின் ரசிகர்களும், பல்வேறு அமைப்புகளும் அவரது சிலைக்கு மரியாதை செலுத்தி வருகின்றனர்.
Click it and Unblock the Notifications
Sign in with Google