"குளு குளு" வானிலை தொடரும்.. தமிழ்நாட்டில் போட்டி போட்டு குளிர் அடிக்கும்- வெதர்மேன் கொடுத்த அப்டேட்

சென்னை: தமிழகத்தில் "குளு குளு" வானிலை தொடரும் என்று தமிழ்நாடு வெதர்மேன் பிரதீப் ஜான் கூறியுள்ளார். வால்பாறை, ஒசூர் மலைகள், ஏற்காடு போன்ற மலை பகுதிகளில் போட்டி போட்டு குளிர் அடிக்கும் என்றும் வெதர்மேன் தெரிவித்துள்ளார்.

நாடு முழுவதும் தற்போது பனிக்காலம் உச்சத்தில் உள்ளது. தமிழகத்தில் மார்கழி மாதம் தொடங்கியிருக்கும் நிலையில் மாலை தொடங்கி அதிகாலை வரை பனி கொட்டி வருகிறது. கொடைக்கானல், ஊட்டி, வால்பாறை போன்ற மலை பிரதேசங்களில் உறைபனி பெய்து வருகிறது. தமிழகத்தின் அநேக பகுதிகளில் அதிகாலை வேளை மற்றும் இரவு நேரங்களில் கடுமையான குளிர் நிலவி வருகிறது.

வாட்டும் குளிர்

குளிர் அதிகமாக இருப்பதால் பலருக்கும், இருமல், காய்ச்சல் பாதிப்பு ஏற்பட்டு வருகிறது. இந்தநிலையில் அடுத்த சில நாட்களுக்கு குளிர் அதிகரிக்கும் என்று சென்னை வானிலை ஆய்வு மையம் கூறியுள்ளது. நாளை டிசம்பர் 21 முதல் 24ஆம் தேதி வரை வறண்ட வானிலை நிலவக்கூடும். அதிகாலை வேளையில் ஓரிரு இடங்களில் லேசான பனிமூட்டம் காணப்படும். ஒருசில இடங்களில் வழக்கத்தைவிட குளிர் அதிகரிக்கும் என்று தெரிவித்துள்ளது.

இன்று முதல் டிசம்பர் 24ம் தேதி வரை தமிழ்நாடு, புதுச்சேரி மற்றும் காரைக்கால் பகுதிகளில் குறைந்தபட்ச வெப்பநிலை ஒருசில இடங்களில் 2-4 டிகிரி செல்சியஸ் இயல்பை விட குறைவாக இருக்கக்கூடும். இன்று மற்றும் நாளை நீலகிரி மாவட்டத்தில் இரவு மற்றும் அதிகாலை வேளையில் உறைபனி ஏற்பட வாய்ப்புள்ளது எனத் தெரிவிக்கப்பட்டுள்ளது.

வெதர்மேன் அப்டேட்

இந்நிலையில், தமிழ்நாடு வெதர்மேன் பிரதீப் ஜான் வெளியிட்டுள்ள எக்ஸ் சமூக வலைதள பதிவில், "தீபகற்ப இந்தியாவில் உயர் அழுத்த நிலை ஆதிக்கம் செலுத்துவதால், குளுகுளு நாட்கள் தொடரும். மலைப்பகுதிகளில் குளிர் அதிகரிக்கும். வால்பாறை, ஒசூர் மலைகள், ஏற்காடு போன்ற மலை பகுதிகளில் போட்டி போட்டு குளிர் அடிக்கும் " என்று தெரிவித்துள்ளார்.

இன்று மலைப் பகுதிகளின் வெப்பநிலை (டிகிரி செல்சியஸில்)

அரக்கு (ஆந்திரா) - 5.8
வால்பாறை - 6.4
ஹாசன், கர்நாடகா - 7.0
ஊட்டி - 7.2
கொடைக்கானல் - 8.4
இடுக்கி (செங்குளம்), கேரளா - 8.5
லம்பசிங்கி, (ஆந்திரா) - 9.6
வயநாடு (கபனிகிரி), கேரளா - 9.7
ஏற்காடு - 10.0

உள் தமிழ்நாட்டின் வெப்பநிலை

ஓசூர் - 9.7
தேன்கனிக்கோட்டை, கிருஷ்ணகிரி - 10.1
கிருஷ்ணகிரி - 12.5
தாளவாடி, ஈரோடு - 10.6
பழனி - 13.0
சூளகிரி, கிருஷ்ணகிரி - 13.2
மொரப்பூர், தர்மபுரி - 13.4
தொடாமுத்தூர், கோவை - 13.7
கோவை - 14.1
போச்சம்பள்ளி, கிருஷ்ணகிரி - 14.2
குன்னத்தூர், கோவை - 14.2
பொள்ளாச்சி, கோவை - 14.3
கிணத்துக்கடவு, கோவை - 14.7
ஹரூர், தர்மபுரி - 14.9
தருமபுரி - 15.0
நத்தம், திண்டுக்கல் - 15.0
திருப்பத்தூர் - 15.1
ஊத்தங்கரை, கிருஷ்ணகிரி - 15.3
விரிஞ்சிபுரம், வேலூர் - 15.4
ரெட்டியசத்திரம், திண்டுக்கல் - 15.8
சேலம் - 16.3
பெரம்பலூர் - 16.3
நெய்வேலி, கடலூர் - 16.3
திருத்தணி - 16.5
கோவில்பட்டி, தூத்துக்குடி - 16.7
திருப்பூர் - 17.0
சிவகங்கை - 17.0
மதுரை AP - 17.0
காட்பாடி - 17.0

கடலோர பகுதிகளில் வெப்பநிலை

கடலூர் - 19.2
பாண்டி - 19.2
தூத்துக்குடி - 19.4
எண்ணூர் - 19.5
கும்மிடிப்பூண்டி - 19.5
கிண்டி - 19.6
மயில்தாடுதுறை - 19.6
திருவாரூர் - 19.9
கேளம்பாக்கம் - 19.9
சென்னை விமான நிலையம் - 20.2
தொண்டி - 20.5
நாகப்பட்டினம் - 20.5
சென்னை - 20.6

மற்ற தென்னிந்திய பகுதிகளில் வெப்பநிலை

ஹைதராபாத் - 11.2
பெங்களூர் - 13.9

English summary

"With high pressure dominating peninsular India, the Kulukulu days in Peninsular India to continue. Among hill station, Arakku is coldest closely followed by our Valparai. Hosur is also giving tough fight to hills and is even cooler than Coonoor and Yercaud.” says Weatherman Pradeep John.