சின்னத்திரை நடிகர் சங்கத் தேர்தல் முடிவுகள் வெளியானது! தலைவராக பரத் தேர்வு

சென்னை: சின்னத்திரை நடிகர் சங்க தேர்தல் இன்று நடைபெற்றது. பதிவான வாக்குகள் எண்ணப்பட்டு தற்போது முடிவுகள் அறிவிக்கப்பட்டிருக்கின்றன. அதன்படி தலைவராக பரத் தேர்வாகியுள்ளார்.

தேர்தலில் தினேஷ், பரத், சிவன் சீனிவாசன் ஆகியோர் தலைமையில் 3 அணிகள் களமிறங்கின. இதில் 491 வாக்குகள் பெற்று பரத் தலைவராக தேர்வாகியுள்ளார். அவருக்கு பல்வேறு தரப்பினரும் வாழ்த்துகளை தெரிவித்து வருகின்றனர்.

சின்னத்திரை நடிகர் சங்கம் என்பது சுமார் 2000 உறுப்பினர்களை கொண்ட அமைப்பாகும். இதன் தலைவராக சிவன் சீனிவாசன், செயலாளராக போஸ் வெங்கட் ஆகியோர் இருந்து வந்த நிலையில் அவர்களது பதவிக்காலம் முடிவுற்றது. இதனையடுத்து தேர்தல் நடத்தப்படும் என்று அறிவிப்பு வெளியானது. கடந்த ஜூலை மாதம் 22ம் தேதி இதற்கான வேட்புமனு தாக்கல் தொடங்கியது. தலைவர், செயலாளர், பொருளாளர் பதவிகளோடு இரண்டு துணை தலைவர்கள், 4 இணை செயலாளர்கள் பதவிக்கும், 14 கமிட்டி உறுப்பினர்கள் பொறுப்புக்கும் வேட்பு மனுக்கள் பெறப்பட்டன.

இதனையடுத்து இன்று காலை சென்னை விருகம்பாக்கத்தில் தேர்தல் தொடங்கியது. தேர்தல் அதிகாரியாக பெப்சி அமைப்பின் முன்னாள் பொதுச் செயலாளர் உமா சங்கர் பாபு தேர்தலை நடத்தினார். இதில் பதிவான வாக்குகள் மாலை எண்ணப்பட்டு இரவு முடிவுகள் அறிவிக்கப்பட்டன. அதன்படி தலைவராக 491 வாக்குள் பெற்று பரத் தேர்வாகியுள்ளார்.

English summary

Chinnathirai Nadigar Sangam Election Results(சின்னத்திரை நடிகர் சங்க தேர்தல் முடிவுகள்): Bharath has been elected as the new President of the Small Screen Actors' Association, marking a leadership change for the television artists' body. The election results are expected to bring fresh initiatives for TV industry workers' welfare.