காரில் ஏறாமல்.. நடந்தபடி வந்த முதல்வர் ஸ்டாலின்.. தனிப்பிரிவில் திடீரென ஆய்வு.. சுவாரசிய சம்பவம்!

Updated: Tuesday, October 5, 2021, 13:06 [IST]

Subscribe to Oneindia Tamil

சென்னை: தலைமை செயலகத்தில் உள்ள முதல்வர் தனிப்பிரிவில் முதல்வர் மு.க.ஸ்டாலின் இன்று திடீர் ஆய்வு மேற்கொண்டார்.

சென்னை தலைமை செயலகத்தில் முதல்வரின் தனிப்பிரிவு அமைந்து உள்ளது. மக்கள் முக்கிய புகார்களை, கோரிக்கைகளை முதல்வரின் தனிப்பிரிவில் வழங்குவது வழக்கம். இதற்கு துறை ரீதியான நடவடிக்கைகள் எடுக்கப்படும், சமயங்களில் குறிப்பிட்ட மாவட்ட காவல் நிலையங்களுக்கு புகார்கள் அனுப்பி வைக்கப்பட்டு அதன் மீது நடவடிக்கை எடுக்கப்பட்டதா என்று சோதிக்கப்படும்.

சென்னையில் சமீப நாட்களாக இப்படி அதிக அளவில் முதல்வரின் தனிப்பிரிவுக்கு புகார்கள் வந்து கொண்டு இருக்கின்றன.

ஆய்வு

இந்த நிலையில்தான் இன்று திடீரென முதல்வர் ஸ்டாலின் தலைமை செயலகத்தில் உள்ள முதல்வர் தனிப்பிரிவில் திடீரென ஆய்வு மேற்கொண்டார். இன்று சாதாரண அலுவல் பணிகளுக்கு தலைமை செயலகம் வந்தவர் அங்கு சில கூட்டங்களில் கலந்து கொண்டார். பின்னர் திடீரென எதிர்பார்க்காமல் அங்கிருந்து தனிப்பிரிவு அலுவலகத்திற்கு வந்தார்.

மீட்டிங்

தலைமை செயலக மீட்டிங் முடிந்த பின் முதல்வர் ஸ்டாலின் வீட்டிற்கு செல்வதாகவே இருந்தது. ஆனால் காரில் ஏறுவதற்கு முன் திடீரென திரும்பிய முதல்வர் தனிப்பிரிவு அலுவலகத்திற்கு வந்தார். தலைமை செயலாளர் இறையன்புவுடன் நடந்தே முதல்வர் ஸ்டாலின் தலைமை செயலகத்தின் இன்னொரு பக்கத்தில் இருக்கும் முதல்வரின் தனிப்பிரிவிற்கு வந்தார்.

பொதுமக்கள்

அங்கு முதல்வரின் தனிப்பிரிவில் உள்ள அதிகாரிகளிடம் முதல்வர் ஸ்டாலின் விசாரணை நடத்தினார். என்னென்ன புகார்கள் வந்து இருக்கின்றன. புகார்கள் மீது என்ன மாதிரியான நடவடிக்கைகள் எடுக்கப்பட்டுள்ளது. புகார்கள் மீது துரிதமாக நடவடிக்கை எடுக்கப்பட்டு உள்ளதா? என்று கேட்டறிந்தார். அதேபோல் அங்கு வந்த பொது மக்களிடம் முதல்வர் ஸ்டாலின் கேள்வி கேட்டார்.

மக்கள் கோரிக்கை

கோரிக்கை வைக்க வந்த மக்களின் குறைகளை கேட்டறிந்தார். அவர்களின் மனுக்களை வாங்கி படித்தார். 5-8 பேரிடம் முதல்வர் ஸ்டாலின் தனியாக நேரில் பேசினார். இந்த பிரச்சனைக்கு உடனே தீர்வு காண்போம். கவலையடைய வேண்டாம்.. உங்கள் கோரிக்கைகளை மனுக்களாக கொடுங்கள் என்று குறிப்பிட்டார். சுமார் 10 நிமிடங்கள் அங்கு முதல்வர் ஸ்டாலின் ஆய்வு செய்தார். முதல்வரின் இந்த ஆய்வால் தனிப்பிரிவு அலுவலகம் பரபரப்பாக காணப்பட்டது.