68 வயசு மாதிரியா தெரியுது.. நம்ம முதல்வர்தான்.. செம ஸ்பீடான ஒர்க் அவுட்.. 3 வீடியோக்கள் வெளியீடு

முதல்வர் ஸ்டாலின் ஜிம்மில் ஒர்க் அவுட் செய்யும் வீடியோக்கள் வெளியாகி உள்ளன

Updated: Wednesday, February 2, 2022, 12:42 [IST]

Subscribe to Oneindia Tamil

சென்னை: யாருன்னு பார்த்தீங்களா.. நம்ம முதல்வர்தான்.. காலையிலேயே 3 வீடியோக்களை போட்டு தமிழ்நாட்டு இளைஞர்களுக்கு டஃப் தந்துள்ளார்.. முதல்வர் ஸ்டாலினின் உடற்பயிற்சி வீடியோக்கள் இணையத்தில் றெக்கை கட்டி பறந்து கொண்டிருக்கிறது.

சந்திப்பு

தேர்தல் பிரச்சாரங்களுக்கே சென்றாலும் சரி, எந்த ஊருக்கு போகிறாரோ, அந்த ஊரில் விடிகாலை நேரங்களில் வாக்கிங், ஜாக்கிங் செய்து கொண்டிருப்பார் ஸ்டாலின். சமீப காலமாக சைக்கிள் ஓட்டுவதிலும் அதிக ஆர்வம் கொண்டுள்ளார்.. இப்படி சைக்கிள் பயணத்தின்போதும், வாக்கிங், ஜாக்கிங்கின்போதும் அதற்கேற்ற உடைகளை அணிந்து, கையில் கிளவுஸூடன், முகத்தில் மாஸ்க்குடன் மக்களையும் நேரடியாக சந்தித்து பேசுகிறார்..

உடற்பயிற்சி

அவர்களையும் இதுபோல உற்சாகப்படுத்துகிறார்... தன்னுடைய உடற்பயிற்சியையும், மக்களுக்கான விழிப்புணர்ச்சியாக மாற்றி காட்டுகிறார்.. அதற்காகத்தான் தொடர்ந்து, தான் உடற்பயிற்சி செய்யும் வீடியோக்களையும் வெளியிட்டு மக்களையும் அவ்வாறு செய்யும்படி தூண்டுகிறார். இப்போதும் ஒரு வீடியோ வெளியாகி உள்ளது.. முதல்வர் ஸ்டாலின், தன்னுடைய வீட்டிலேயே ஒரு ஜிம் வைத்துள்ளார்..

3 வீடியோக்கள்

இந்த உடற்பயிற்சி கூடத்தில் ஏராளமான நவீன உபகரணங்கள் உள்ளன.. இந்த ஜிம்மிலேயே ஒரு டிவியும் உள்ளது.. காலை நேரத்தில் டிவியில் நியூஸ் பார்த்துக் கொண்டே உடற்பயிற்சிகளை செய்வது இவரது வழக்கம்.. இப்போதும் அதே ஜிம்மில் உடற்பயிற்சி செய்து அந்த வீடியோக்களை வெளியிட்டுள்ளார்.. 3 வகையான ஒர்க்அவுட்களை செய்துள்ளார் முதல்வர்.. அந்த 3 வீடியோக்களையுமே ஷேர் செய்துள்ளர்.. 68 வயசு என்றால் யாருமே நம்ப மாட்டார்கள்..

புதிய வீடியோக்கள்

அதே ஸ்மார்ட் லுக்குடன், படுவேகமாக ஒர்க் அவுட் செய்கிறார்.. இதெல்லாம் பார்த்தால், புதிதாக பயிற்சி எடுத்தது போல தெரியவில்லை.. பல காலம் தன்னுடைய உடல்நலனில் காட்டிய அக்கறைதான், நீண்ட அனுபவம் கொண்டவராக வீடியோவில் பார்க்க முடிகிறது.. வழக்கம்போல், இந்த வீடியோவும் வீடியோக்கள் கலக்கோ கலக்கு என்று கலக்கி கொண்டிருக்கின்றன.. இந்த அளவுக்கு இந்தியாவிலேயே வேறு எந்த முதல்வராவது உடல்நலனில் அதீத அக்கறை கொண்டு, விழிப்புணர்வு தந்து கொண்டிருக்கிறார்களா என்றால், இல்லை என்றே நாம் அடித்து சொல்லலாம்!