தமிழ்நாட்டில் மறுபடியும் லாக்டவுனா?.. கட்டுப்பாடுகளா?.. முதல்வர் ஸ்டாலின் இன்று ஆலோசனை!

ஸ்டாலின் லாக்டவுன் நீட்டிப்பது குறித்து நாளை ஆலோசனை நடத்துகிறார்

Updated: Friday, August 20, 2021, 0:54 [IST]

Subscribe to Oneindia Tamil

சென்னை: தமிழ்நாட்டில் ஊரடங்கை மேலும் நீட்டிப்பது குறித்து முதல்வர் மு.க.ஸ்டாலின் இன்று காலை 11 மணிக்கு ஆலோசனை நடத்துகிறார்.

தமிழ்நாட்டில் தளர்வுகளுடன் கூடிய ஊரடங்கு 23ம் தேதி காலை 6 மணியுடன் முடிவடையும் நிலையில் இன்ற காலை இந்த ஆலோசனை கூட்டம் நடைபெற உள்ளது.

இதையடுத்து, தமிழக அரசு பல்வேறு ஊரடங்கு கட்டுப்பாடுகளை விதித்த நிலையில், பாதிப்பானது 2,000-க்கும் கீழே குறைந்தது.. எனினும், சென்னை, கோவை உள்ளிட்ட 16 மாவட்டங்களில் தொற்று குறையாமல் இருந்தது.. இங்கும் பல்வேறு தடுப்பு நடவடிக்கைகளை தமிழக சுகாதாரத்துறை கையில் எடுத்ததையடுத்து, கொரோனா பரவல் குறைந்து வருகிறது.

கேரளா

3வது அலை பரவல் இந்தியாவுக்கு வர உள்ளதால், எச்சரிக்கையாக இருக்கும்படி மத்திய சுகாதாரத்துறையும், வல்லுநர்களும் அலர்ட் செய்து வருகிறார்கள்.. கடந்த மாதமே 3வது அலை பரவல் பாதிப்பு கேரளாவுக்கு அதிகம் இருப்பதாக செய்திகள் வந்து கொண்டிருகின்றன.. 3வது அலை பரவலால் கோவைக்குதான் அதிக பாதிப்பும் உள்ளதாக கூறப்பட்டுள்ளன.. எனவே, தமிழகத்தில் லாக்டவுன் போடுவதற்கான அறிவிப்பு வெளியாக வாய்ப்புள்ளதா என்ற சந்தேகமும் நீடித்து கொண்டிருக்கிறது.

வீடியோ

கொரோனா அனைவரது வாழ்க்கையையும் முடக்கிப்போட்டிருக்கும் காலகட்டத்தில், இதிலிருந்து மீள பொதுமக்கள் ஒத்துழைப்புக்கொடுத்து விழிப்புணர்வுடன் நடந்துகொள்ள வேண்டும்... அலட்சியம் வேண்டாம்; எச்சரிக்கையாக இருப்போம்.. மீண்டும் ஊரடங்கு சூழலுக்கு அரசாங்கத்தை நிர்பந்தித்திட வேண்டாம் என்று கடுமையாகவே சொல்கிறேன்" என்று எச்சரித்திருந்தார்.

கட்டுப்பாடுகள்

இந்நிலையில், தற்போதுள்ள தளர்வுகளுடன் கூடிய ஊரடங்கானது வரும் 23-ம் தேதி காலை காலை 6 மணியுடன் நிறைவுபெறுகிறது... எனவே, ஊரடங்கை நீட்டிப்பது மற்றும் கட்டுப்பாடுகளை விதிப்பது தொடர்பாக, சென்னை தலைமைச் செயலகத்தில் இன்று முதல்வர் ஸ்டாலின் தலைமையில் ஆலோசனை நடக்க உள்ளது. இதில், மருத்துவம் மற்றும் மக்கள் நல்வாழ்வுத்துறை அமைச்சர் மா.சுப்பிரமணியன், அத்துறைச் செயலாளர் ராதாகிருஷ்ணன், தலைமைச் செயலாளர் வெ.இறையன்பு, மருத்துவ வல்லுநர்கள், பல்துறை அதிகாரிகள் கலந்து கொள்ள உள்ளனர்.

விவரங்கள்

3வது அலை முன்னெச்சரிக்கை தொடர்பாகவும் இன்றைய கூட்டத்தில் ஆலோசிக்கப்படும் என்று தெரிகிறது.. எனவே, மேலும் கட்டுப்பாடுகள் விதிக்கப்படுமா, அல்லது தளர்வுகள் அளிக்கப்படுமா என்பது குறித்த விவரங்கள் விரைவில் தெரியவரும்..!