சென்னை சங்கமம்.. மீண்டும் இன்று விசிட் அடித்த முதல்வர் ஸ்டாலின்.. பக்கத்திலேயே கனிமொழி எம்பி

சென்னை: பொங்கல் நாளான இன்று சென்னை பெசன்ட் நகரில் நடைபெற்ற சென்னை சங்கமம்; நம்ம ஊரு திருவிழா நிகழ்வை முதல்வர் ஸ்டாலின் நேரில் கண்டு களித்தார். சென்னை சங்கமம் கலை விழாவின் ஒருங்கிணைப்பாளர் கனிமொழி எம்.பியும் உடன் இருந்தார்.

நாட்டுப்புறக் கலை வடிவங்களை உலக தமிழர்களிடையே கொண்டு செல்ல 'சென்னை சங்கமம்; நம்ம ஊரு திருவிழா' என்ற பெயரில் கலை விழாக்கள் நடத்தப்படுகிறது.

கடந்த 2007ஆம் ஆண்டு கருணாநிதி முதல்வராக இருந்த சமயத்தில் திமுக ஆட்சியில் சென்னை சங்கமம் முதலில் நடத்தப்பட்டது. ஆண்டுதோறும் பொங்கல் சமயத்தில் இந்த விழா நடத்தப்பட்டு வந்தது.

அதிமுக ஆட்சியில் சென்னை சங்கமம் நடத்தப்படாத நிலையில், இந்தாண்டு மீண்டும் சென்னை சங்கமம் நடத்தப்படுகிறது. இன்றைய இளம் தலைமுறையினர் நாட்டுப்புறக் கலை வடிவங்களின் சிறப்பினை அறிந்து கொள்ளும் வகையில் இந்த நிகழ்ச்சி வடிவமைக்கப்பட்டுள்ளது.

தமிழகம் முழுவதும் இருந்தும் தேர்வு செய்யப்பட்ட 50 கலைக்குழுக்கள் சென்னையில் 16 இடங்களில் பல்வேறு கலைநிகழ்ச்சிகளை நடத்தி வருகின்றனர். இந்த நிகழ்ச்சியைக் கடந்த 13ஆம் தேதி முதல்வர் ஸ்டாலின் தொடங்கி வைத்து உரையாற்றினார்.

இதனிடையே பொங்கல் நாளான இன்று சென்னை பெசன்ட் நகரில் நடைபெற்ற சென்னை சங்கமம்; நம்ம ஊரு திருவிழா நிகழ்வை முதல்வர் ஸ்டாலின் நேரில் வந்து பார்வையிட்டார்.

நாட்டுப்புற கலைஞர்களின் நிகழ்ச்சிகளைக் கண்டு ரசித்தார்.. அப்போது முதல்வர் உடன் சென்னை சங்கமம் கலை விழாவின் ஒருங்கிணைப்பாளர் கனிமொழி எம்.பியும் உடன் இருந்தார்.

English summary

Chennai Sangamam CM Stalin visited Chennai besant nagar beach: Chennai Sangamam CM Stalin.