விஜய்யை பார்க்க சென்று விபத்தில் சிக்கிய தஞ்சை கல்லூரி மாணவர் விக்னேஷ் 19 நாள் கழித்து உயிரிழப்பு

தஞ்சை: தஞ்சாவூரில் தவெக தலைவர் விஜய்யின் வாகனத்தை பின் தொடர்ந்து சென்று விபத்தில் சிக்கிய கல்லூரி மாணவர் விக்னேஷ் சிகிச்சை பலனின்றி உயிரிழந்தார்.

நடிகர் விஜய், தனது 'தமிழக வெற்றிக் கழகம்' கட்சியின் உறுப்பினர் சேர்க்கை மற்றும் நிர்வாகிகளுடனான ஆலோசனைக் கூட்டத்தில் பங்கேற்பதற்காகத் தஞ்சாவூருக்கு வருகை தந்திருந்தார்.

இதையறிந்த ஏராளமான ரசிகர்கள், அவர் தங்கியிருந்த விடுதி மற்றும் அவர் சென்ற இடங்களுக்குப் பின்னால் இரு சக்கர வாகனங்களில் பின் தொடர்ந்தனர். அப்போது, தஞ்சாவூரைச் சேர்ந்த கல்லூரி மாணவர் விக்னேஷ் தனது நண்பருடன் பைக்கில் அதிவேகமாக விஜய்யின் காரைப் பின்தொடர்ந்து சென்றுள்ளார்.

தஞ்சை - திருச்சி தேசிய நெடுஞ்சாலையில் சென்றபோது, எதிர்பாராத விதமாக முன்னால் சென்ற வாகனத்தின் மீது மோதி விபத்துக்குள்ளானார்.

இந்தக் கோர விபத்தில் தலையில் பலத்த காயமடைந்த அந்த மாணவர் விக்னேஷ், தஞ்சையில் தனியார் மருத்துவமனையில் அனுமதிக்கப்பட்டிருந்தார். அவருக்கு 19 நாட்கள் சிகிச்சை அளித்த நிலையில் சிகிச்சை பலனின்றி விக்னேஷ் உயிரிழந்துவிட்டார்.

English summary

A tragic incident unfolded in Thanjavur as a college student named Vignesh lost his life after meeting with an accident while allegedly following the convoy of Vijay, leader of Tamilaga Vettri Kazhagam (TVK). Despite medical treatment, the student succumbed to his injuries, sparking concern and discussion over road safety and fan-related incidents.