1.6 லட்சம் வருடங்களுக்கு ஒருமுறை நடக்கும் வானியல் அதிசயம்! பார்க்க தவறாதீங்க
சென்னை: G3 ATLAS (C/2024) என்று அழைக்கப்படும் வால் நட்சத்திரம் இன்று பூமியை கடந்து செல்கிறது. இது சுமார் 1.6 லட்சம் வருடங்களுக்கு ஒருமுறை இந்த வால் நட்சத்திரம் பூமிக்கு நெருக்கமாக வருகிறது.
மீண்டும் இந்த நட்சத்திரத்தை பார்க்க 1.6 லட்சம் வருடங்களாகும் என்று ஆய்வாளர்கள் கூறியுள்ளனர். வாய்ப்பு இருந்தால் இந்த நட்சத்திரத்தை நேரில் பார்க்க முடியும்.
வால்நட்சத்திரங்கள் தூசி மற்றும் பனி கட்டிகளால் ஆனது. இது சூரியனை நெருங்கும்போது உருகி, தனக்குள் இருக்கும் தூசிகளை வெளியேற்றும். எனவே பார்ப்பதற்கு நீண்ட வால் போன்ற உருவத்தை கொடுக்கும். அந்த வகையில் G3 ATLAS (C/2024) எனும் வால் நட்சத்திரம், மிக பழமையானதாகும். கடந்த 1.6 லட்சம் வருஷத்திற்கு முன்னர் இது பூமியை கடந்து சென்றிருக்கிறது. மீண்டும் தற்போது வந்திருக்கிறது. அனேகமாக இதுவே இந்த நட்சத்திரத்தின் கடைசி சுற்றாக இருக்கும் என்று சொல்லப்படுகிறது.
பூமியின் வட அரைக்கோளத்தில் உள்ள நாடுகளில் இதனை இன்று நன்றாக பார்க்க முடியும். அதாவது ஆஸ்திரேலியா, நியூசிலாந்து, தென் அமெரிக்க நாடுகளில் இது நன்றாக தெரியும். இந்தியாவில் இருந்து பார்த்தால் தெரியுமா என்பது கொஞ்சம் சந்தேகம்தான். ஏனெனில் சூரியனுக்கு பக்கத்தில் வால் நட்சத்திரம் தெரியும் என்பதால் இந்தியாவின் வட மாநிலங்களிலிருந்து பார்த்தால் தெரிய வாய்ப்பு குறைவு. அதேபோல, தென் இந்தியாவில், இலங்கையில் இருந்து பார்த்தால் தெரிய வாய்ப்பு இருக்கிறது.
இந்த நட்சத்திரம் 8.7 கொடி கி.மீ தொலைவில் கடந்து செல்கிறது. இருந்தாலும் பார்க்க நன்றாக தெரியும் என்று ஆய்வாளர்கள் கூறுகின்றனர்.
விண்கற்களும் வால் நட்சத்திரங்களும்:
விண்கற்கள் என்பது வேறு, வால் நட்சத்திரம் என்பது வேறு. பூமி மீது தினந்தோறும் சில விண்கற்கள் விழுந்துக்கொண்டுதான் இருக்கின்றன. ஆனால் அவற்றில் பெரும்பாலும் வளிமண்டலத்திலேயே எரிந்து சாம்பலாகிவிடும். ஆனால் சில விண்கற்கள் மட்டும் மிகுந்த ஆபத்தை ஏற்படுத்தக்கூடியதாக இருக்கும். சில ஆண்டுகளுக்கு முன்னர் பூமி மீது மிகப்பெரிய விண்கல் மோதியது. இதில் டைனோசர்கள் உள்ளிட்டவை அழிந்துவிட்டன என்பது குறிப்பிடத்தக்கது.
Click it and Unblock the Notifications
Sign in with Google