நியூ இயரில் வணிகர்களுக்கு வந்த குட் நியூஸ்.. 19 கிலோ சிலிண்டர் விலை குறைந்தது.. ரேட் என்ன?

சென்னை: ஒவ்வொரு மாதத்தின் முதல் நாளில் சிலிண்டர் விலை மாற்றியமைக்கப்படுகிறது. அதன்படி இன்று ஜனவரி மாதத்திற்கான சிலிண்டர் விலை குறித்த அப்டேட் வெளியானது. இதில், வணிக சிலிண்டர் விலை மாற்றப்பட்டுள்ளது. வீட்டு உபயோக சிலிண்டர் விலையில் மாற்றம் இல்லை.

சர்வதேச சந்தையில் நிலவும் கச்சா எண்ணெய் விலைக்கேற்ப இந்தியாவில் பெட்ரோல், டீசல், சமையல் எரிவாயு சிலிண்டர் போன்றவற்றின் விலையை எண்ணெய் நிறுவனங்கள் நிர்ணயித்து கொள்கின்றன. பெட்ரோல், டீசல் விலையை தினமும் எண்ணெய் நிறுவனங்கள் நிர்ணையித்துக்கொள்ள முடியும்.அதேபோல், சிலிண்டர் விலையை மாதத்தின் முதல் நாள் அல்லது 16ம் தேதி அன்று மாற்றி அமைக்கலாம்.

அந்த வகையில், சர்வதேச சந்தை நிலவரத்திற்கு ஏற்ப ஒவ்வொரு மாதத்தின் துவக்கத்திலும் சமையல் எரிவாயு சிலிண்டர் விலையை நிறுவனங்கள் மாற்றி அமைத்து வருகின்றன. கடந்த டிசம்பர் மாதம் 22 ஆம் தேதி வணிக பயன்பாட்டிற்கான சிலிண்டர் விலை ரூ. 39 குறைக்கப்பட்டது. திடீரென விலை குறைந்ததை அடுத்து சென்னையில் 19 கிலோ எடை கொண்ட வணிக பயன்பாட்டு சிலிண்டர் விலை ரூ. 1929.50க்கும் விற்பனை செய்யப்பட்டு வந்தது.

இந்த நிலையில், வணிக பயன்பாட்டுக்கான 19 கிலோ எடை கொண்ட சிலிண்டரின் விலை இன்று மேலும் ரூ.4.50 குறைந்துள்ளது. புதிய விலைப்படி ரு.1924.50க்கு சிலிண்டர் விற்பனை செய்யப்பட்டு வருகிறது. வீடுகளில் பயன்படுத்தப்படும் 14.2 கிலோ சிலிண்டரின் விலை ரூபாய் 918.50 ஆக உள்ளது. 14.2 கிலோ சிலிண்டரின் விலை கடந்த மார்ச் மாதம் முதல் அதே விலையில் எந்த வித மாற்றமும் இன்றி நீடிக்கிறதுசிலிண்டர் விலையை உயர்த்தும் போது இரட்டை இலக்க எண்களில் தடலாடியாக உயர்த்துவதும்.. குறையும் போது சொற்ப விலையே குறைக்கப்படுவதாக வணிகர்கள் மத்தியில் ஆதங்கம் ஏற்பட்டுள்ளது. புத்தாண்டில் மகிழ்ச்சியை ஏற்படுத்தும் விதமாக விலை அதிரடியாக குறையும் என எதிர்பார்த்த வணிகர்களுக்கு வெறும் 4.50 காசு மட்டுமே குறைந்து இருப்பது பெரும் ஏமாற்றத்தை அளித்துள்ளது.

அதேபோல், வீட்டு உபயோக சிலிண்டர் விலையும் குறைக்கப்படாமல் அதே விலையில் நீடிப்பது இல்லத்தரசிகளுக்கும் அதிர்ச்சியை கொடுத்துள்ளது. விரைவில் தேர்தல் நடைபெற உள்ளதால் மக்களை மகிழ்விக்கும் விதமாக சிலிண்டர் விலை குறைக்கப்படலாம் என்ற தகவலும் வெளிவராமல் இல்லை.

English summary

The cylinder price is revised on the first day of every month. Accordingly, the cylinder price update was released today. In this, the commercial cylinder price has been changed. There is no change in domestic cylinder prices.