இந்தியாவின் நம்பர் 1 கிராண்ட்மாஸ்டர் குகேஷ்.. தமிழகத்திற்கு பெருமை.. முதல்வர் ஸ்டாலின் வாழ்த்து

சென்னை: இந்தியாவின் இளம் கிராண்ட் மாஸ்டரான குகேஷ், உலக சதுரங்க தரவரிசைப் பட்டியலில் 9 வது இடத்திற்கு முன்னேறியுள்ளார். இந்த சாதனை இளம் திறமையாளர்களுக்கு ஒரு உத்வேகமாகவும், தமிழகத்திற்கு பெருமை சேர்க்கும் தருணமாகவும் உள்ளதாக முதல்வர் ஸ்டாலின் தனது ட்விட்டர் பக்கத்தில் பதிவிட்டுள்ளார்.

இந்தியாவின் இளம் கிராண்ட் மாஸ்டரான 17 வயதே நிறைந்த குகேஷ், உலக சதுரங்க தரவரிசைப் பட்டியலில் கடந்த இரண்டு தினங்களில் 4 இடங்கள் முன்னேறி, 9 வது இடத்திற்கு முன்னேறியுள்ளார். FIDE உலகக் கோப்பை சதுரங்கப் போட்டிகள், அஜர்பைஜான் நாட்டின் பாகு நகரில் நடைபெற்று வரும் நிலையில், இரண்டு சுற்றுகளாக குகேஷ் வெற்றி பெற்று முன்னேற்றமடைந்து வருவதை அடுத்து, 2755.5 புள்ளிகளுடன் 9 ஆவது இடத்திற்கு முன்னேறியுள்ளார். உலகிலேயே பிடே ரேட்டிங் தரவரிசையில் டாப் 10 இடத்தில் உள்ள மிக குறைந்த வயதுடைய இளம் வீரர் என்ற பெருமையை பெற்றுள்ளார் குகேஷ்.

உலக செஸ் வீரர் தரவரிசையில் 9வது இடத்துக்கு முன்னேறியதன் மூலம் இந்திய தரவரிசையில் குகேஷ் முதலிடம் பிடித்தார். இந்தியாவின் நம்பர் ஒன் வீரரான விஸ்வநாதன் ஆனந்தை பின்னுக்குத் தள்ளியுள்ளார் குகேஷ். 5 முறை உலக சாம்பியன் பட்டம் வென்ற, இந்தியாவின் முன்னணி வீரர் விஸ்வநாதன் ஆனந்த் உலகத் தரவரிசை பட்டியலில் 9 ஆவது இடத்தில் நீண்ட காலமாக இருந்தார். அவரை 10 ஆவது இடத்திற்கு தள்ளி, உலக அளவில் 9 ஆவது இடத்திற்கு முன்னேறிய குகேஷ், இந்திய தரவரிசையில் நம்பர் ஒன் இடத்திற்கு முன்னேறியுள்ளார்.

இந்த சாதனைக்கு முதல்வர் ஸ்டாலின் தனது ட்விட்டர் பக்கத்தில் வாழ்த்துக்களை பதிவிட்டுள்ளார். வாழ்த்துக்கள் கிராண்ட்மாஸ்டர்
டி. குகேஷ். முதல் முறையாக உலகின் முதல் 10 (FIDE) தரவரிசையில் நுழைந்த உங்கள் அசாத்திய சாதனையில் உங்களது உறுதியும் திறமையும் உங்களை செஸ் விளையாட்டின் உயர்மட்ட நிலைக்கு உயர்த்தியுள்ளது. உங்கள் சாதனை, எல்லா இடங்களிலும் உள்ள இளம் திறமையாளர்களுக்கு ஒரு உத்வேகமாகவும், தமிழகத்திற்கு பெருமை சேர்க்கும் தருணமாகவும் உள்ளது என்று முதல்வர் ஸ்டாலின் தனது ட்விட்டர் பக்கத்தில் பதிவிட்டுள்ளார்.

English summary

Tamil Nadu Chief Minister MK Stalin post on his twitter page, Congratulations Grandmaster D Gukesh, on your incredible achievement of entering the top 10 of world (FIDE) rankings for the first time. Your determination and skill have propelled you to the top echelon of chess, making you the highest-rated Indian player. Your achievement is an inspiration to young talents everywhere and a proud moment for Tamil Nadu!