மேலூர் தொகுதி காங்கிரஸ் வேட்பாளர் அறிவிப்பு.. முன்னாள் எம்பி விஸ்வநாதனுக்கு வாய்ப்பு!

சென்னை: தமிழக சட்டசபை தேர்தலில் திமுக கூட்டணியில், காங்கிரஸ் சார்பில் போட்டியிடும் வேட்பாளர்கள் பட்டியல் ஏற்கனவே வெளியாகி இருந்தது. மொத்தம் உள்ள 28 தொகுதிகளில் 27 தொகுதிகளுக்கான வேட்பாளர்களை அறிவித்து இருந்தது. மேலூர் தொகுதிக்கு மட்டும் வேட்பாளர் அறிவிக்கப்படாமல் இருந்தது. இந்த நிலையில் மேலூர் தொகுதி காங்கிரஸ் வேட்பாளராக விஸ்வநாதன் அறிவிக்கப்பட்டுள்ளார். முன்னாள் காஞ்சிபுரம் எம்பியாக விஸ்வநாதன் இருந்துள்ளார்.

தமிழக சட்டசபை தேர்தல் வரும் 23 ஆம் தேதி நடக்கிறது. வேட்புமனு தாக்கல் தொடங்கி நடந்து வருகிறது. திங்கட்கிழமை தான் வேட்புமனு தாக்கல் செய்ய கடைசி நாள் ஆகும். மேலும் தேர்தலுக்கும் இன்னும் 3 வாரங்கள் கூட இல்லை என்பதால், அரசியல் கட்சிகள் பிரச்சாரத்தை தீவிரப்படுத்தியுள்ளன.

மேலூர் தொகுதி காங்கிரஸ் வேட்பாளர்

தேர்தலுக்கு நாட்கள் குறைவாகவே இருப்பதால் திமுக, அதிமுக பாஜக, தவெக, நாம் தமிழர் கட்சிகள் ஓட்டு கேட்டு தீவிர வாக்கு சேகரிப்பில் ஈடுபட்டு வருகின்றன. இதில் வரும் தேர்தலில் திமுக கூட்டணியில் உள்ள காங்கிரஸ் கட்சிக்கு 28 சட்டசபை தொகுதிகள் ஒதுக்கப்பட்டன. இவற்றில் 27 தொகுதிகளுக்கான வேட்பாளர்கள் ஏற்கனவே வெளியிடப்பட்டன.

ஆனால் மேலூர் சட்டசபை தொகுதிக்கு மட்டும் வேட்பாளர் பெயர் அறிவிக்கப்படாமல் இருந்தது. இந்த நிலையில் தான் இன்று மேலூர் தொகுதிக்கான காங்கிரஸ் வேட்பாளர் அறிவிக்கப்பட்டுள்ளார். இதன்படிமுன்னாள் எம்பியான விஸ்வநாதன் மேலூர் தொகுதியில் காங்கிரஸ் சார்பில் போட்டியிட உள்ளார். ஏற்கனவே இவர் காஞ்சிபுரம் தொகுதியில் எம்பியாக இருந்தவர் ஆவார்.

28 தொகுதிகளில் யார் யார் போட்டி?

1. பொன்னேரி (தனி) - துரை சந்திரசேகர்
2. வேளச்சேரி - அசன் மவுலானா
3. ஸ்ரீபெரும்புதூர் (தனி) - செல்வப்பெருந்தகை
4. சோளிங்கர் - ஏ.எம். முனிரத்தினம்
5. ஊத்தங்கரை (தனி) - ஆர். குப்புசாமி

6. கிருஷ்ணகிரி - டாக்டர் செல்லக்குமார்
7. பென்னாகரம் - ஜி.கே.எம். தமிழ்குமரன்
8. ஆத்தூர் (தனி) - எஸ்.கே. அர்த்தநாரி
9. ஈரோடு கிழக்கு - கோபிநாத் பழனியப்பன்
10. ஊட்டி - எஸ். ராமச்சந்திரன்

11. கவுண்டம்பாளையம் - கே.பி. சூர்ய பிரகாஷ்
12. சிங்காநல்லூர் - வி. ஸ்ரீநிதி நாயுடு
13. துறையூர் (தனி) - விச்சு லெனின் பிரசாத்
14. கடலூர் - ஏ.எஸ். சந்திரசேகரன்
15. மயிலாடுதுறை - ஜமால் முகமது யூனூஸ்

16. அறந்தாங்கி - டி. ராமச்சந்திரன்
17. காரைக்குடி - எஸ். மாங்குடி
18. உசிலம்பட்டி - டி. சரவணகுமார்
19. சிவகாசி - கணேசன் அசோகன்
20. திருவாடனை - ராம கருமாணிக்கம்

21. ஸ்ரீவைகுண்டம் - ஊர்வசி அமிர்தராஜ்
22. சங்கரன்கோவில் (தனி) - சங்கை கணேசன்
23. அம்பாசமுத்திரம் - வி.பி. துரை
24. நாங்குநேரி - ரூபி மனோகரன்

25. குளச்சல் - தாரகை கத்பட்
26. விளவங்கோடு - டி.டி. பிரவீன்
27. கிள்ளியூர் - எஸ். ராஜேஷ்குமார்
28. மேலூர் - விஸ்வநாதன்

English summary

Congress has announced Viswanathan as its candidate for the Melur constituency, completing its list of 28 candidates in the DMK alliance for the Tamil Nadu Assembly elections. He is a former Kanchipuram MP.