• search
சென்னை அப்டேட்டுகளுக்கு
நோட்டிபிகேஷனை அனுமதி  

அதிரடி மூவ்.. தமிழக காங்கிரஸ் தேர்தல் குழு அறிவிப்பு.. திருநாவுக்கரசர், ஈவிகேஎஸ் இளங்கோவனுக்கு பதவி

|
    தமிழக காங்கிரஸ் தேர்தல் குழு அறிவிப்பு.. ஈவிகேஎஸ் இளங்கோவனுக்கு பதவி- வீடியோ

    சென்னை: லோக்சபா தேர்தலை முன்னிட்டு தமிழக காங்கிரஸ் கட்சிக்கு பல்வேறு தேர்தல் பணிக் குழுக்கள் அமைக்கப்பட்டுள்ளன. இதில் காங்கிரஸ் கட்சியின் முன்னாள் தலைவர்களான, திருநாவுக்கரசர், ஈவிகேஎஸ் இளங்கோவன் ஆகியோருக்கும் பதவிகள் வழங்கப்பட்டுள்ளன.

    லோக்சபா தேர்தல் நெருங்கியுள்ள நிலையில் அதை எதிர்கொள்வதற்கு காங்கிரஸ் கட்சி முழுவீச்சில் தயாராகி வருகிறது. இந்த நிலையில்தான் திடீர் அதிரடி மாற்றமாக, கடந்த சனிக்கிழமை தமிழக காங்கிரஸ் கட்சித் தலைவர் திருநாவுக்கரசர் நீக்கப்பட்டு, அவருக்கு பதிலாக கே.எஸ்.அழகிரி நியமிக்கப்பட்டார். இந்த நிலையில் அடுத்தகட்ட அதிரடியாக இன்று முக்கிய அறிவிப்பு ஒன்றை காங்கிரஸ் தலைமை வெளியிட்டுள்ளது.

    Congress party announce many committees for Tamilnadu

    பல்வேறு தேர்தல் பணிக்குழுக்கள் அமைக்கப்பட்டுள்ளதாக இன்று வெளியாகியுள்ள அறிவிப்பு தெரிவிக்கிறது.

    *மாநில தேர்தல் குழுவிற்கு கே.எஸ்.அழகிரி தலைவராக்கப்பட்டுள்ளார். ப.சிதம்பரம், ராமசாமி, கே.வி.தங்கபாலு, திருநாவுக்கரசர், மணிசங்கர் ஐயர், சுதர்சன நாச்சியப்பன், செல்லகுமார், தனுஷ்கோடி ஆதித்தன், பீட்டர் அல்போன்ஸ், குஷ்பு உள்ளிட்டோர் இந்த குழுவில் இடம் பெற்றுள்ள முக்கியப்புள்ளிகளாகும்.

    *ஒருங்கிணைப்பு குழு, ஈ.வி.கே.எஸ். இளங்கோவன் தலைமையில் அமைக்கப்பட்டுள்ளது. இதில் கே.எஸ்.அழகிரி, ப.சிதம்பரம், குமரி அனந்தன், தங்கபாலு, திருநாவுக்கரசர், மணிசங்கர் ஐயர், தனுஷ்கோடி ஆதித்தன், உள்ளிட்டோர் உள்ளனர்.

    *பிரச்சார கமிட்டி, திருநாவுக்கரசர் தலைமையில் அமைக்கப்பட்டுள்ளது. இதில் ஹாரூன் துணைத் தலைவராகவும், குஷ்பு ஏற்பாட்டாளராகவும் செயல்படுவார்கள். இந்த குழுவில், விஜயதரணி, திருச்சி வேலுச்சாமி உள்ளிட்ட 35 பேர் உள்ளனர்.

    *விளம்பர கமிட்டிக்கு கே.வி.தங்கபாலு தலைவராக நியமிக்கப்பட்டுள்ளார். ஷண்முகம் துணை தலைவராகவும், ஜோதி மணி ஏற்பாட்டாளராகவும் செயல்படுவார்கள். இந்த குழுவில் மொத்தம் 36 பேர் உள்ளனர்.

    *பீட்டர் அல்போன்ஸ் தலைமையிலான மீடியா ஒருங்கிணைப்பு குழுவில், கோபண்ணா துணை தலைவராகவும், மணிரத்தினம் ஏற்பாட்டாளராகவும் செயல்படுவர். இக்குழுவின் எண்ணிக்கை 35.

    * இதேபோல கே.ஆர்.ராமசாமி தலைமையில் தேர்தல் மேலாண்மை குழு அமைக்கப்பட்டுள்ளது. இதில் விஸ்வநாதன், தணிகாச்சலம் உட்பட 6 பேர் உள்ளனர். இந்த அறிவிப்புகளை, காங்கிரஸ் தலைவர், ராகுல் காந்தி ஒப்புதலுடன், தமிழக காங்கிரஸ் கட்சி பொறுப்பாளர் கே.சி.வேணுகோபால் வெளியிட்டுள்ளார்.

    இந்த அறிவிப்பால், காங்கிரஸ் கட்சிக்கு புதிய தலைவராக கே.எஸ்.அழகிரியை நியமித்ததால், பிற கோஷ்டியினருக்கு எழுந்த அதிருப்தியை சரிகட்ட காங்கிரஸ் தலைமை முயற்சி செய்துள்ளது.

    திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

     
     
     
    English summary
    Congress party announce many committees for Tamilnadu. Tthe party gives posts to senion leaders who are in upset with the leadership change.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more