ஆசையாக இருந்தாரே விஜய்.. இப்போ இப்படி ஆகிடுச்சே! கதறவிட்ட கதர் கட்சி.. எதிர்பார்த்து இருக்க மாட்டாரே

Updated: Monday, November 17, 2025, 9:32 [IST]

Subscribe to Oneindia Tamil

சென்னை: தமிழ்நாட்டில் காங்கிரஸ் உடன் கூட்டணி வைக்கலாம், திமுக கூட்டணியை உடைக்கலாம் என்று ஆர்வமாக இருந்த தமிழக வெற்றிக் கழகம் கட்சிக்கு பெரிய ஏமாற்றம் ஏற்பட்டு உள்ளது. தவெக - காங்கிரஸ் இடையே கூட்டணி உருவாக வாய்ப்பு குறைவாகவே உள்ளது என்றே காங்கிரஸ் வட்டாரங்கள் தெரிவிக்கின்றன. அதை கட்சி தலைமையும் உறுதி செய்துள்ளது.

கடந்த சில நாட்களாக, காங்கிரஸ் மற்றும் TVK இடையே கூட்டணி அமையலாம் என சமூக வலைத்தளங்களிலும், சில அரசியல் விமர்சகர்கள் மூலமாகவும் செய்திகள் பரவி வருகின்றன. காங்கிரஸ் - விஜய் பேசி வருகின்றனர்.. விஜய் ராகுல் காந்தியை சந்திக்க போகிறார்.. விரைவில் பேச்சுவார்த்தை நடக்க போகிறது.. என்றெல்லாம் செய்திகள் வருகின்றன,

கடந்த 24 மணி நேரமாக விஜய் - காங்கிரஸ் கட்சி உடன் ஆலோசனை செய்ததாக பல செய்திகள் வந்தன. தவெக கட்சி காங்கிரஸ் கட்சிக்கு 70 இடங்களை கொடுக்க முன் வந்ததாக செய்திகள் வந்தன. அதோடு காங்கிரஸ் கட்சிக்கு துணை முதல்வர் பதவி கொடுக்கவும் தவெக விஜய் முன்வந்ததாக செய்திகள் வந்தன. ஆனால் 70 சீட்-துணை முதல்வர் பதவி என்பது தவெகவின் சார்பாக வியூக வகுப்பாளர் ஒருவர் கிளப்பி விட்ட செய்தி என்று கூறப்படுகிறது.

தமிழக காங்கிரஸ் தலைமை மறுப்பு

தவெக - காங்கிரஸ் இடையே கூட்டணி உருவாக வாய்ப்பு குறைவாகவே உள்ளது என்றே காங்கிரஸ் வட்டாரங்கள் தெரிவிக்கின்றன. அதை கட்சி தலைமையும் உறுதி செய்துள்ளது. தமிழ்நாட்டில் திமுக தலைமையிலான இந்தியா கூட்டணியில் காங்கிரஸ் கட்சி வலிமையாகவும், உறுதியாகவும் உள்ளது காங்கிரஸ் தமிழக தலைவர் செல்வப்பெருந்தகை தெரிவித்துள்ளார். தவெக - காங்கிரஸ் கூட்டணி பேச்சுவார்த்தை நடந்து வருவதாக வெளியான தகவலுக்கு செல்வப்பெருந்தகை மறுப்பு தெரிவித்துள்ளார்.

அதிக சீட் கேட்க காங்கிரஸ் பிளான்

காங்கிரஸ் - தவெக விஜய் கூட்டணி தொடர்பான தகவல்களுக்கு உறுதியான எந்த ஆதாரமும் இல்லை என மூத்த அரசியல் ஆலோசகர்கள் சுட்டிக்காட்டுகின்றனர். திமுகவுடனான தொகுதிப் பங்கீட்டுப் பேச்சுவார்த்தையில் தங்கள் நிலையை வலுப்படுத்த, ஒரு சில காங்கிரஸ் தலைகள் இந்த உத்திகளைப் பயன்படுத்துகின்றன என்றே கருதப்படுகிறது.

திமுக கூட்டணி வட்டாரங்களின்படி, 2026 தேர்தலில் முந்தைய மாநிலத் தேர்தலை விட அதிக இடங்கள் தங்களுக்குக் கிடைக்க வேண்டும் என்று காங்கிரஸ் கட்சி பேரம் பேச திட்டமிட்டுள்ளது. சில மாவட்டங்களில் தங்கள் அமைப்பு பலம் அதிகரித்துள்ளதாகவும், இதை திமுக அங்கீகரிக்க வேண்டும் என்றும் காங்கிரஸ் எதிர்பார்க்கிறது. காங்கிரஸ் - தமிழக வெற்றிக் கழகம் இடையே ஒரு கூட்டணி பற்றிய உறுதியற்ற செய்திகளை பரப்புவதன் மூலம், திமுகவிடம் அதிக இடங்களை கேட்க முடியும். திமுக கேட்ட இடங்களை கொடுக்க மறுத்தால்.. தவெகவிடம் செல்வோம் என்று திமுகவிற்கு பிரஷர் போட முடியும் .

ஆனால், காங்கிரஸ் தமிழக வெற்றிக் கழகம் உடன் கைகோர்ப்பதற்கான சாத்தியக்கூறுகள் குறைவாக இருப்பதாகவே திமுக வட்டாரங்கள் தெரிவித்து உள்ளன. தமிழக வெற்றிக் கழகம் புதிய அரசியல் சக்தி, அவர்களுக்கான வாக்கு வங்கி உறுதி செய்யப்படவில்லை, இதனால் காங்கிரஸ் அவர்களுடன் கூட்டணி வைக்க வாய்ப்பே இல்லை. திமுக உடன் அவர்கள் வைத்து இருப்பது வெற்றி கூட்டணி என்று திமுக தரப்பு கருதுகிறது.

காங்கிரஸ் மற்றும் தமிழக வெற்றிக் கழகம் வெவ்வேறு வாக்காளர் தளங்களைக் கொண்டுள்ளதால், திடீர் கூட்டணி சித்தாந்த ரீதியாக வெற்றிபெறாது என்றும் ஆய்வாளர்கள் கருதுகின்றனர்.