ஸ்டாலின் - சந்திரபாபு நாயுடு சந்திப்பு.. டிடிவி தினகரன் கூட்டணி கனவு கலைந்தது.. தனித்துவிடப்பட்டார்
Recommended Video
சென்னை: திமுக தலைவர் மு.க.ஸ்டாலினை இன்று சந்தித்து கூட்டணி குறித்து ஆலோசனை நடத்த உள்ளார் தெலுங்கு தேசம் கட்சி தலைவரும், ஆந்திர முதல்வருமான சந்திரபாபு நாயுடு.
இந்த சந்திப்பின் மூலமாக, பாஜகவிற்கு எதிராக மெகா கூட்டணி உருவாக்க வேண்டும் என்ற முயற்சியில் பாதி கிணறை சந்திரபாபு நாயுடு தாண்டிவிடப்போகிறார்.
இதில் மற்றொரு அம்சம், காங்கிரஸ்-திமுக கூட்டணி இன்னும் வலிமையடையப் போகிறதே தவிர, உடையப்போவதில்லை என்பதுதான்.
[விஜய்க்கு இருக்கும் செல்வாக்குக்கு யாரையும் அசைக்க முடியும்... பழ. கருப்பையா தடாலடி!]
காங்கிரஸ் திட்டம்
கமல்ஹாசனின் மக்கள் நீதி மய்யம், டிடிவி தினகரனின் அம்மா மக்கள் முன்னேற்ற கழகம் ஆகிய கட்சிகளுடன் கை கோர்த்துக்கொண்டு, திமுகவை கூட்டணியிலிருந்து கழற்றிவிட காங்கிரஸ் தலைமை விரும்புவதாக கடந்த பல மாதங்களாக ஒரு தகவல் பரவி வந்தது. அதற்கு ஏற்பதான், நடவடிக்கைகளும் அமைந்திருந்தன. இப்படி கூட்டணிக்குள் பிளவு ஏற்படுவது பாஜகவிற்கும், அதிமுகவிற்கும்தான் பலன் அளிக்கும் என்று கூறி வந்தனர் அரசியல் பார்வையாளர்கள்.
மெகா கூட்டணி
இந்த நிலையில்தான், சந்திரபாபு நாயுடுவின் முயற்சிகள், இந்த யூகங்களுக்கு முடிவு கட்டியுள்ளன. ஏற்கனவே, காங்கிரஸ் தலைவர் ராகுல் காந்தியை சந்தித்து மெகா கூட்டணியை உறுதி செய்த சந்திரபாபு நாயுடு, ஒவ்வொரு முக்கிய கட்சி தலைவர்களையும் சந்தித்து வருகிறார். பெங்களூரில் மதசார்பற்ற ஜனதாதளம் தலைவர் தேவகவுடாவையும், அக்கட்சியை சேர்ந்தவரான, கர்நாடக முதல்வரையும் சந்தித்து கூட்டணி பேச்சுவார்த்தை நடத்திய சந்திரபாபு நாயுடு, இன்று இரவு திமுக தலைவர் மு.க.ஸ்டாலினை சந்தித்து ஆலோசனை நடத்த உள்ளார்.
தினகரனுக்கு கல்தா
இதன் மூலம், காங்கிரஸ்-திமுக கூட்டணியை மீண்டும் உறுதிப்படுத்த உள்ளார் நாயுடு. எதிர்க்கட்சிகளின் கூட்டணி வலுவாகி வரும் நிலையில், டிடிவி தினகரனை தங்கள் கூட்டணியில் சேர்க்க காங்கிரஸ் விரும்பவில்லை என்று தகவல் வெளியாகியுள்ளது. தமிழக காங்கிரஸ் செயலாளர் சஞ்சய் தத் மறைமுகமாக இதை தெரிவித்துள்ளார். கம்யூனிஸ்ட் கட்சிகளும் தினகரன் கூட்டணியை விரும்பவில்லை என தெரிவித்துள்ளன. எனவே தினகரன் தனித்து விடப்பட்டுள்ளார். கமல்ஹாசன் கட்சிக்கும் இதே நிலைதான் என்றபோதிலும், தினகரனிலிருந்து கமல் கட்சி ஒரு விஷயத்தில் மாறுபட்டது.
கமலுக்கு வாய்ப்பு?
தினகரனை பொறுத்தளவில், பாஜக மற்றும் திமுகவுடன் கூட்டணி அமைப்பது தற்கொலைக்கு சமம் என கூறியவர். திமுகவை கூட்டணியிலிருந்து கழற்றிவிட்டால், காங்கிரசுடன் கூட்டணி அமைக்க தயார் என மறைமுகமாக கூறியவர். ஆனால் கமல்ஹாசன், இதுவரை திமுகவை கடுமையாக விமர்சனம் செய்யவில்லை. சமீபத்தில் கமல்ஹாசன் பிறந்த நாளுக்கு, திமுக தலைவர் மு.க.ஸ்டாலின் வாழ்த்து கூறியிருந்தார் என்பது குறிப்பிடத்தக்கது.
Click it and Unblock the Notifications
Sign in with Google