அட பாவமே! யாரு கண்ணு பட்டுச்சோ.. புது கார் வாங்கின 6 மாதத்தில் விபத்தில் சிக்கிய CWC சக்தி
சென்னை: கார் வாங்கிய 6 மாதத்தில் குக் வித் கோமாளி பிரபலம் சக்தி விபத்தில் சிக்கியதாக தகவல்கள் வெளியாகியுள்ளன.
விஜய் டிவியில் சீரியல்களுக்கு மத்தியில் சில நிகழ்ச்சிகள் மக்களை கவர்ந்துள்ளன. அவற்றில் மக்களால் அதிகம் பார்க்கப்படும் நிகழ்ச்சி பிக்பாஸ். அதன் பிறகு குக் வித் கோமாளி.
இந்த இரு நிகழ்ச்சிகளிலும் கலந்து கொள்ளும் போது சிலருக்கு படவாய்ப்புகள் வாசற்கதவை தட்டுவதால் இந்த இரு நிகழ்ச்சிகளிலும் பிரபலங்கள் ஆர்வமாக பங்கேற்கிறார்கள்.
இந்த நிகழ்ச்சிக்கு தொடர்ந்து பாசிட்டிவ்வான விமர்சனங்கள் வருகின்றன. இதில் கலந்து கொள்ளும் பிரபலங்கள் விதவிதமாக சமைப்பதை பார்க்கும் ஆஹா நடிப்பதில் மட்டுமில்லாமல் சமைப்பதிலும் புத்திசாலிகளாக இருக்கிறார்களே என பெருமைப்பட வைக்கிறார்கள். இந்த நிகழ்ச்சியில் ஒருவர் கூட தங்கள் பெர்ஃபாம்மன்ஸை விடாமல் செய்கிறார்கள்.
யாருக்கும் யாரும் சளைத்தவர்கள் இல்லை என்பதை காட்டுகிறார்கள். இதுதான் இந்த நிகழ்ச்சி மக்கள் முன்பு நிலைத்திருக்க வைக்கிறது. இதில் புகழ், பாலா, தங்கதுரை, குரேஷி உள்ளிட்ட கோமாளிகள் நிகழ்ச்சியின் ஆணிவேர்களாக இருந்து மக்களை சிரிக்க வைக்கிறார்கள். இதில் யார் வேண்டுமானாலும் யாரை வேண்டுமானாலும் கலாய்க்கலாம்.
இதுவரை இது போன்ற பிரச்சினை வந்ததே இல்லை. அந்தளவுக்கு கோமாளிகளின் லூட்டி வயிறு குலுங்க சிரிக்க வைக்கிறது. அந்த வகைகளில் முதல் மூன்று சீசன்களில் குக் வித் கோமாளி நிகழ்ச்சியில் கோமாளியாக கலந்து கொண்டவர் சக்தி. இந்த 3 சீசன்களிலும் அதிகமாக கலந்து கொண்ட சக்தி 4ஆவது சீசனில் குறைவாகவே கலந்து கொள்கிறார்.
இவருக்கும் தனி ரசிகர்கள் பட்டாளம் இருக்கிறது. இவர் யூடியூப் சேனலும் வைத்து நடத்தி வருகிறார். இவர் கடந்த பிப்ரவரி மாதம்தான் புதிய காரை வாங்கினார். கார் வாங்கி 6 மாதங்கள் ஆன நிலையில் தற்போது இவருடைய கார் விபத்தில் சிக்கியுள்ளதாக அவரே கூறி பரபரப்பை ஏற்படுத்தியுள்ளார். சென்னை சென்ட்ரல் ரயில் நிலையம் அருகே சக்தி தனது காரில் சென்றுக் கொண்டிருந்தாராம்.
அப்போது அவரது காரை ஒரு பேருந்து உரசியபடி வந்து இடித்துவிட்டது. இதனால் சக்தியின் தலையில் லேசான காயம் ஏற்பட்டது. ஆனால் காருக்கு எந்த வித பெரிய சேதமும் இல்லை என தெரிவித்துள்ளார். இதை கேட்டு அதிர்ச்சி அடைந்த ரசிகர்கள் சக்தியின் உடல்நலத்தை பார்த்துக் கொள்ளுமாறு கேட்டுக் கொண்டு வருகிறார்கள். மேலும் பூரண குணமடையவும் வாழ்த்துகிறார்கள்.
Click it and Unblock the Notifications
Sign in with Google