ஜிகே வாசனின் தமிழ் மாநில காங்கிரஸுக்கு மீண்டும் சைக்கிள் சின்னம்

சென்னை: ஜிகே வாசனின் தமிழ் மாநில காங்கிரஸ் கட்சிக்கு சைக்கிள் சின்னத்தை தேர்தல் ஆணையம் ஒதுக்கீடு செய்துள்ளது.

அதிமுக கூட்டணியில் தமிழ் மாநில காங்கிரஸ் கட்சி தஞ்சாவூரில் போட்டியிடுகிறது. இந்த நிலையில் தஞ்சாவூரில் போட்டியிடும் வேட்பாளரின் பட்டியலை கட்சியின் தலைவர் ஜி கே வாசன் அறிவித்தார்.

அதில் தஞ்சாவூரில் என்.ஆர். நடராஜன் போட்டியிடுவார் என அறிவித்துள்ளார். கட்சி போட்டியிடுவதற்காக தனிச் சின்னம் கோரப்படும் என வாசன் செய்தியாளர்களிடம் தெரிவித்திருந்தார்.

இந்த நிலையில் தமிழ் மாநில காங்கிரஸ் கட்சிக்கு மீண்டும் சைக்கிள் சின்னம் ஒதுக்கீடு செய்யப்பட்டுள்ளது. மூப்பனார் தமாகாவை தொடங்கிய போது அவருக்கு சைக்கிள் சின்னம் ஒதுக்கீடு செய்யப்பட்டது. இந்நிலையில் அக்கட்சியானது மூப்பனாரின் மறைவுக்கு பின்னர் காங்கிரஸுடன் இணைந்தது.

இதனால் அக்கட்சியின் சின்னமான சைக்கிள் முடக்கி வைக்கப்பட்டது. இதையடுத்து காங்கிரஸில் இருந்து பிரிந்த ஜி கே வாசன் தமாகாவை தொடங்கினார். கடந்த சட்டசபை தேர்தலில் மக்கள் நலக் கூட்டணியுடன் வாசன் கட்சி போட்டியிடும் போது தென்னந்தோப்பு சின்னம் ஒதுக்கீடு செய்யப்பட்டிருந்தது குறிப்பிடத்தக்கது.

English summary

Election commission allotted Cycle symbol for GK Vasan's Tamil Manila Congress.