"வணக்கம் டா மாப்ள.. ஆஸ்திரேலியாவிலிருந்து.." பட்டையும், தாயத்துமா.. யாருன்னு பாருங்க.. செம, செம!

Updated: Monday, December 7, 2020, 14:11 [IST]

Subscribe to Oneindia Tamil

சென்னை: லாரா, கில்கிரிஸ்ட், டி வில்லியர்ஸ்.. இப்படி இந்தியர்களுக்கு பிடித்த வெளிநாட்டு கிரிக்கெட் வீரர்கள் எல்லா காலத்திலும் யாராவது இருந்திருக்கிறார்கள். ஆனால், இப்போ உள்ள காலகட்டத்தில், எல்லா இந்திய கிரிக்கெட் ரசிகர்களுக்கும் பிடிச்ச ஒரு ஃபாரின் பிளேயர்னா, அது டேவிட் வார்னர்தான்.

கில்கிறிஸ்ட், மேத்யூ ஹேடனுக்கு பிறகு ஆஸ்திரேலியா கண்ட சூப்பரான ஓப்பனிங் பேட்ஸ்மேன் என்பது மட்டும் இதற்கு காரணம் இல்லை. மனுஷன் கலக்குற ஃபீல்டு கிரிக்கெட்டையும் தாண்டி வேற.. வேற.

இத்தனைக்கும் ஆரம்பத்தில் பெரிதாக அலப்பறை செய்யல. ஹைதராபாத் அணி கேப்டனான பிறகுதான், ஆளே மாறிப்போயிட்டாரு. இவரு கிரிக்கெட்ல ஆடுனதைவிட டிக்டாக்ல குடும்பத்தோடு போடுற ஆட்டம்தான் இத்தனை ரசிகர்களுக்கு காரணம். அதிலும், தெலுங்கின் அதிரி புதிரி ஹிட்டான, புட்டபொம்மா பாட்டுக்கு இவர், குடும்பத்தோட போட்ட குத்தாட்டம் உலக ஃபேமஸ் ஆனது.

விசிறிகள் அதிகம் பாஸ்

இதன்பிறகு நம்மூர் கிரிக்கெட் வீரர்கள் சிலருக்கு கூட இல்லாத அளவுக்கு ஃபேன் பேஸ் கூடிப்போச்சி வார்னருக்கு. பிறகு அப்பப்போ ஏதாவது டிக்டாக் வீடியோ போட்டு ரசிகர்களை ஆட விட்டு வந்தார். இப்போ அடுத்த அவதாரம் எடுத்துள்ளார்.

வணக்கம் டா மாப்ளே

நீங்க டிக்டாக் பயனாளரா இருந்தால், "வணக்கம்டா மாப்ள.. தேனில இருந்து அருண்" இந்த வசனத்தை அடிக்கடி கேட்டுருப்பீங்க. நெற்றி நிறைய விபூதி பட்டை, கழுத்தில் தாயத்து என காட்சியளிப்பார். அதே மாதிரி கெட்அப்பில் வார்னர் தனது புகைப்படத்தை இன்ஸ்டாகிராமில் ஷேர் செய்துள்ளார்.

தேனிக்காரர்

பார்க்க அப்படியே நம்ம தேனிக்காரர் மாதிரி பொருந்திப்போகிறது இந்த ஆஸ்திரேலியக்காரரின் முகம்னா பாருங்க. அவ்வளவுதான்.. ஜிவ்விட்டுப் போச்சி ரசிகர்களுக்கு. "தலைவாஆஆஆஆ" என கமெண்ட்டில் வெறி ஏற்றிக் கொண்டிருக்கிறார்கள். "வணக்கம்டா மாப்ள ஆஸ்திரேலியாவில் இருந்து வார்னர் பேசுறேன்" என்று கமெண்ட் பாக்சை நிரப்பித் தள்ளுகிறார்கள் நெட்டிசன்கள்.

காட் ஃபாதர்

கொசுறு தகவல்: ஹைதராபாத் அணிக்காக ஆடும்போது நம்ம நட்டுவை.. அதாங்க நடராஜனை மெருகேற்றியதில் பெரும் பங்கு வார்னருக்கு உண்டு. ஆஸ்திரேலிய டி20 தொடரில் நடராஜன் பந்துகளை சமாளிக்க ஆஸ்திரேலிய வீரர்கள் தடுமாறுகிறார்கள். இதனால் வார்னரை தனியாக வலைவீசி தேடிக்கொண்டு இருக்கிறார்களாம் ஆஸி. பாய்ஸ்.