தமிழகத்தில் நவம்பர் 11ம் தேதி முதல் 14,757, தீபாவளி சிறப்பு பேருந்து இயக்கம்- அமைச்சர் அறிவிப்பு

சென்னை: தமிழகத்தில் நவம்பர் 11ம் தேதி முதல் தீபாவளி சிறப்பு பேருந்துகள் இயக்கப்படுகிறது. தீபாவளிக்கு 14,757 சிறப்பு பேருந்துகள் இயக்கப்படும் என்று, போக்குவரத்துத் துறை அமைச்சர் விஜய பாஸ்கர் இன்று தெரிவித்தார்.

தலைமைச் செயலகத்தில் இன்று நிருபர்களுக்கு பேட்டியளித்தார் விஜயபாஸ்கர். அப்போது அவர் கூறியதாவது:

13 முன்பதிவு மையங்களில் இதுவரை 27 ஆயிரம் பேர் முன்பதிவு செய்துள்ளனர். கடந்த வருடத்தை விட குறைந்த அளவுக்கு சிறப்பு பேருந்துகள் இயக்கப்படுகிறது. கடந்த வருடம், 18,544 சிறப்பு பஸ்கள் இயக்கப்பட்டன. இந்த வருடம், 14,757 பஸ்கள் இயக்கப்படும்.

தீபாவளி பண்டிகை 14ம் தேதி கொண்டாடப்படுகிறது. பிறகு, 15, 16, 18 ஆகிய தேதிகளிலும் சிறப்பு பஸ்கள் இயக்கப்படும். இதன் மூலம், சொந்த ஊர் சென்றவர்கள் திரும்பி வர வசதியாக இருக்கும்.

வழக்கம்போல சென்னையில் 5 இடங்களில் இருந்து, பஸ் முன்பதிவு மையங்கள் செயல்படும். இவ்வாறு அவர் தெரிவித்தார்.

English summary

Deepavali special buses will run in Tamil Nadu from November 11. Transport Minister Vijaya Bhaskar today said that 14,757 special buses will be operated for Deepavali.