சட்டசபையில் உதயநிதி ஸ்டாலின் இருக்கை 3வது இடத்திற்கு முன்னேற்றம்!
சென்னை: தமிழக சட்டசபையில் துணை முதல்வர் உதயநிதி ஸ்டாலின் மூன்றாவது இருக்கைக்கு முன்னேறியுள்ளார். இதற்கு முன்பு 10ஆவது இருக்கையில் அமர்ந்திருந்த அவர் தற்போது துணை முதல்வரானதும் அவரது இருக்கை மாற்றப்பட்டுள்ளது.
தமிழக சட்டசபை கூட்டத் தொடர் இன்று கூடியது. இது தொடங்கியதுமே முன்னாள் எம்எல்ஏக்கள், முக்கிய பிரமுகர்களின் இறப்புக்கு இரங்கல் தீர்மானம் நிறைவேற்றப்பட்டது. பின்னர் 2நிமிடம் மவுன அஞ்சலியும் செலுத்தப்பட்டது.
இந்த நிலையில் தமிழக சட்டசபையில் துணை முதல்வர் உதயநிதியின் இருக்கை மாற்றப்பட்டுள்ளது. அதாவது சட்டசபையில் இதற்கு முன்பு 10 ஆவது இருக்கையில் அமர்ந்திருந்த உதயநிதி ஸ்டாலின், துணை முதல்வரானதால் அவரது இருக்கை மாற்றப்பட்டுள்ளது.
தற்போது அவர் 10ஆவது இடத்தில் 3 வரிசையில் இருந்து 3ஆவது இருக்கைக்கு (முதல் வரிசைக்கு) மாற்றப்பட்டுள்ளார். முதல்வர், அவை முன்னர் துரைமுருகனுக்கு அடுத்த இருக்கையில் துணை முதல்வர் உதயநிதி ஸ்டாலின் அமர வைக்கப்பட்டார். அந்த 3ஆவது இருக்கையில் கடந்த பட்ஜெட் தாக்கலின் போது அமைச்சர் எ.வ.வேலு அமர்ந்திருந்தார் என்பது குறிப்பிடத்தக்கது.
Click it and Unblock the Notifications
Sign in with Google