கிருஷ்ணசாமி சொல்லிட்டாரு.. "திமுக வீழப்போகுது.. திராவிடம் ஒழியப்போகுது.. மிரண்ட ஸ்ரீவில்லிப்புத்தூர்

சென்னை: திமுக அமைச்சர் உதயநிதி ஸ்டாலினின் பேச்சுக்கு, புதிய தமிழகம் கட்சி கடும் கண்டனத்தை பதிவு செய்துள்ளது.. அத்துடன், திமுக மீதான கடுமையான விமர்சனத்தையும் முன்வைத்துள்ளது.

உதயநிதி ஸ்டாலினின் சனாதனம் குறித்த பேச்சுக்கு பாஜக கொந்தளித்து வருகிறது.. அமித்ஷா முதல், மேற்குவங்க முதல்வர் மம்தா பானர்ஜி வரை கருத்து தெரிவித்து வருகிறார்கள்.

"சனாதனம் குறித்து பேசி திமுக மீதுள்ள அதிருப்தியை திசைத்திருப்ப முயலும் உதயநிதி ஸ்டாலின், திமுகவில் சமதர்மம் இருக்கிறதா என்பதை முதலில் பார்க்க வேண்டும்" என்று ஓபிஎஸ் கூறியுள்ளார். பாஜக மாநில தலைவர் அண்ணாமலையும் மன்னிப்பு கேட்க வேண்டும் என்று வலியுறுத்தி வருகிறார்.

உதயநிதி பேச்சு: இதனிடையே, உதயநிதியின் தலைக்கு 10 கோடி ரூபாய் என்ற உத்தரபிரதேச சாமியார் விவகாரமும் வெடித்து கிளம்பி உள்ளது. மற்றொருபக்கம், உதயநிதி ஸ்டாலின் மீது சுப்ரீம்கோர்ட் வழக்கறிஞர் டெல்லி போலீஸில் புகார் அளித்துள்ளார்.

இன்னொருபக்கம் டெல்லி தமிழ்நாடு அரசு இல்ல முதன்மை ஆணையர் ஆஷிஷ் சாட்டர்ஜி மூலம் தமிழக முதல்வர் ஸ்டாலினுக்கு டெல்லி பாஜக தலைவர் வீரேந்திர சச்தேவா தலைமையில் மூத்த தலைவர்கள் குழு எதிர்ப்பு கடிதத்தையும் அனுப்பியிருக்கிறார்கள். இப்படி நாலாபக்கமும் எதிர்ப்புகள் பதிவாகி வரும்சூழலில், பாஜக தொடர்ந்து உதயநிதி மீதான கண்டனத்தை பதிவு செய்தவாறே உள்ளது. இந்நிலையில், டாக்டர் கிருஷ்ணசாமியும் உதயநிதியின் பேச்சுக்கு கண்டனம் தெரிவித்துள்ளார்.

விருதுநகர் மாவட்டம் ஸ்ரீவில்லிபுத்தூரில், தமிழக பாஜக தலைவர் அண்ணாமலையின் என் மண், என் மக்கள் யாத்திரை கூட்டம் நடந்தது. இதில் புதிய தமிழகம் கட்சி தலைவர் கிருஷ்ணசாமி கலந்து கொண்டார்.. அப்போது அவர் பேசியதாவது:

திராவிடம்: "40 நாட்களைக் கடந்த நிலையில் திராவிடம் வீழ்ந்து, தமிழகம் எழுந்து நிற்கும் சூழல் உருவாகிவிட்டது. இனிமேல் தமிழகத்தில் திராவிடம் எழுந்திருக்க வாய்ப்பேயில்லை.. ஊழலற்ற, மதுவற்ற தமிழகம் இனி உருவாகும்.

நாங்கள் ஊழலை ஒழிப்போம் என்று பேசினால் திமுக சனாதனத்தை ஒழிக்க வேண்டும் என்று பேசுகிறது. மூதாதையரின் வழிபாடு தான் சனாதன தர்மம். தன்னுடைய தந்தையின், மூதாதையர்களின் வழிபாட்டை ஒழிக்க ஸ்டாலினால் முடியுமா? கருணாநிதியும், ஸ்டாலினும் இந்துவாக இல்லாமல் இருந்தால் தமிழகத்தில் முதல்வராகி இருக்க முடியுமா? மரக்கிளையில் உட்கார்ந்து கொண்டு, அடியை வெட்டுவது போல் செயல்படுகிறார்கள்.

வீழப்போகிறது: இந்து மதம் ஒன்றுதான் கடவுள் இருக்கிறது என்று சொல்லவும், அதேசமயம், கடவுள் இல்லை என்று சொல்லவும் இடமளிக்கிறது. அதன்பெயர்தான் சனாதனம்.. அதனை ஒழிப்போம் என்று சொல்வதன் மூலம், திமுகதான் வீழப்போகிறது.. திராவிடம்தான் ஒழியப்போகிறது" என்றார் டாக்டர் கிருஷ்ணசாமி.

English summary

Did Puthiya Thamizhagam Doctor Krishnasamy slams DMK and what did hes say about Dravidian parties