இன்று பெட்ரோல், டீசல் விலை என்ன? சென்னையில் நிலவரம் இதுதான்!

சென்னை: நாடு முழுக்க 74வது நாளாக இன்றும் பெட்ரோல், டீசல் விலையில் மாற்றமில்லை. சென்னையில் அதே விலையில் இன்றும் பெட்ரோல், டீசல் விற்பனை செய்யப்படுகிறது.

சென்னையில் இன்று ஒரு லிட்டர் பெட்ரோல் 102 ரூபாய் 63 காசுகளுக்கு விற்பனை செய்யப்படுகிறது. ஒரு லிட்டர் டீசல் 94 ரூபாய் 24 காசுகளுக்கு விற்பனை செய்யப்படுகிறது.

தொடர்ந்து பெட்ரோல் விலையில் மாற்றம் செய்யப்படாமல் இருப்பது மக்கள் மத்தியில் நிம்மதியை ஏற்படுத்தி உள்ளது.

டெல்லியில் பெட்ரோல் ஒரு லிட்டர் ரூபாய் 96.35 விற்கப்படுகிறது. அதேபோல் டீசல் ஒரு லிட்டர் ரூபாய் 89.52 க்கு விற்கப்படுகிறது. பெங்களூரில் பெட்ரோல் விலை லிட்டர் 101.94 ரூபாயை தாண்டி உள்ளது. டீசல் விலை 87.89 ரூபாயை தாண்டி உள்ளது.

முன்னதாக பெட்ரோல், டீசல் விலையை எண்ணெய் நிறுவனங்களே உயர்த்திக்கொள்ள அனுமதி அளிக்கப்பட்டுள்ள நிலையில் இந்தியாவில் பெட்ரோல், டீசல் விலை உச்சம் தொட்டது. முன்னதாக இந்தியாவில் கடந்த 2 மாதம் முன் தினமும் பெட்ரோல் டீசல் விலை தொடர்ந்து அதிகரித்தது.

இது மக்கள் மத்தியில் அதிர்ச்சியை ஏற்படுத்தியது. பெட்ரோல், டீசல் விலை உயர்ந்தால் தானாக போக்குவரத்து செலவும் உயரும். இதுவே பணவீக்கத்திற்கும் ஒரு வகையில் காரணமாக அமைந்தது. தேர்தல் நேரம் தவிர்த்து மற்ற நேரங்களில் தொடர்ந்து பெட்ரோல், டீசல் விலை உயர்ந்தது.

தினமும் 80 பைசா வீதம் பெட்ரோல் டீசல் விலை உயர்ந்தது. இதனால் முன்பு 70 ரூபாய்க்கு இருந்த பெட்ரோல், டீசல் 100 ரூபாய் அளவிற்கு உயர்ந்தது. பல மாநிலங்களில் விலை 100 ரூபாயை தாண்டி 110 என்ற அளவை கூட எட்டியது.

இதனால் காய்கறிகள் விலை, அத்தியாவசிய பொருட்களின் விலை தீவிரமாக உயர்ந்தது. மக்கள் இடையே இது கடுமையான விமர்சனங்களை சந்தித்தது. இந்தியாவின் மொத்த விலை பணவீக்கம் 15.88 சதவீதமாக உயர்ந்தது. கடந்த 24 வருடங்களில் இதுதான் மிக அதிகம் ஆகும். நாளுக்கு நாள் உயர்ந்த பெட்ரோல், டீசல் விலை காரணமாக மக்கள் கடுமையாக பாதிக்கப்பட்டனர்.

இதையடுத்து பெட்ரோல், டீசல் மீதான கலால் வரியை மத்திய அரசு அதிரடியாக குறைத்து அறிவிப்பு வெளியிட்டது. மக்களின் கடும் எதிர்ப்பால் பெட்ரோல், டீசல் விலை குறைக்கப்பட்டது. பெட்ரோல் மீதான கலால் வரியை 8 ரூபாயும், டீசல் மீதான கலால் வரியை 6 ரூபாயும் மத்திய அரசு குறைத்துள்ளது. இதன் மூலம் டீசல் விலை லிட்டருக்கு ரூ.7 குறைக்கப்பட்டது. பெட்ரோல் விலை லிட்டருக்கு ரூபாய் 50 காசும் குறைக்கப்பட்டது.

அதன்பின் பெட்ரோல் டீசல் விலையில் இன்று வரை எந்த விதமான மாற்றமும் செய்யப்படவில்லை. .

English summary

No change in petrol price for consecutive 74nd day in India.நாடு முழுக்க 74வது நாளாக இன்றும் பெட்ரோல், டீசல் விலையில் மாற்றமில்லை. சென்னையில் அதே விலையில் இன்றும் பெட்ரோல், டீசல் விற்பனை செய்யப்படுகிறது.