இயக்குனர் பா.ரஞ்சித்தின் தந்தை உடல் நலக்குறைவால் காலமானார்

சென்னை: இயக்குனர் பா.ரஞ்சித்தின் தந்தை பாண்டுரங்கன் உடல்நலக்குறைவால் இன்று அதிகாலை உயிரிழந்தார்.

கடந்த 2012ம் ஆண்டு அட்டகத்தி படம் மூலம் இயக்குனராக தமிழ் திரையுலக்கு அறிமுகம் ஆனவர் பா.ரஞ்சித். அதன்பின்னர் மெட்ராஸ், கபாலி, காலா, என மிகப்பெரிய ஹிட் படங்களை கொடுத்துள்ளார்.

இவரது தந்தை பாண்டுரங்கன், வயது 63. இவர் அண்மையில் உடல்நிலை குறைவால் பாதிக்கப்பட்டார். இதையடுத்து அவரை சென்னை அப்போலோவில் சிகிச்சைக்காக அனுமதிக்கப்பட்டார். அங்கு தீவிர சிகிச்சை பெற்று வந்த பாண்டுரங்கன் இன்று அதிகாலை 2 மணி அளவில் சிகிச்சை பலன் இன்றி உயிரிழந்தார்.

இதையடுத்து பா.ரஞ்சித்தின் சொந்த ஊரான திருவள்ளூர் மாவட்டம் கரலப்பாக்கதிற்கு உடல் கொண்டு செல்லப்பட்டது. இன்று மாலை 5 மணி அளவில் கர்லப்பாக்கத்தில் இறுதி அஞ்சலி நடைபெறும் என தெரிவிக்கப்பட்டுள்ளது.

பா.ரஞ்சித்தின் தந்தை உயிரிழந்ததையடுத்து அவரது மறைவுக்கு திரையுலகினர் பலர் இரங்கல் தெரிவித்து வருகிறார்கள்.

English summary

Director Pa Ranjith's father passed away due to ill health in appollo hospital, chennai