கருணாநிதியின் சினிமா வாழ்க்கை! விஜய் இயக்கும் டாக்குமெண்டரி ஃபிலிம்! ஜன.6ல் சென்னையில் திரையிடல்!
கதை, திரைக்கதை, வசனம், பாடல், தயாரிப்பு, டிவி நெடுந்தொடர், என எல்லா துறைகளிலும் தனது அளப்பறிய பங்களிப்பை செலுத்தியவர் கருணாநிதி. ராஜகுமார், மந்திரகுமாரி, மருதநாட்டு இளவரசி, பராசக்தி என இன்னும் எண்ணற்ற திரைப்படங்களில் அனல் பறக்கும் வசனங்களை இடம்பெறச் செய்து கதாசிரியராகவும், வசனகர்த்தாவாகவும் திகழ்ந்தார்.
அரசியல், இலக்கியம், விளையாட்டு, சினிமா என எல்லா துறைகளிலும் ஆல் ரவுண்டராக விளங்கிய கருணாநிதி. இந்நிலையில் அவரது நூற்றாண்டு விழாவை இந்தியாவே திரும்பிப் பார்க்கும் வகையில் ஆண்டு முழுவதும் கொண்டாட வேண்டும் என கடந்த மார்ச் மாதம் நடைபெற்ற திமுக மாவட்டச் செயலாளர்கள் கூட்டத்தில் தீர்மானம் நிறைவேற்றப்பட்டு அதன்படி கொண்டாடப்பட்டும் வருகிறது.
தமிழ்நாடு முழுவதும் ஜூன் 3 2023 முதல் ஜூன் 3 2024 வரை ஓராண்டு முழுவதும் நான் ஸ்டாப் கொண்டாட்டமாக கருணாநிதி நூற்றாண்டு விழா கொண்டாடப்பட்டு வருகிறது. இந்நிலையில் தமிழ்த் திரைப்படத் தயாரிப்பாளர் சங்கம் சார்பில் கருணாநிதி நூற்றாண்டு விழா கொண்டாட முடிவெடுக்கப்பட்டு வரும் ஜனவரி 6ஆம் தேதி சென்னை கிண்டி ரேஸ் கோர்ஸில் நிகழ்ச்சி நடத்தப்படவுள்ளது. இதற்கான பணிகளை தமிழ்த் திரைப்படத் தயாரிப்பாளர் சங்க நிர்வாகிகள் மேற்கொண்டு வருகின்றனர்.
இந்தச் சூழலில் கருணாநிதியின் சினிமா வாழ்க்கையை ஆவணப் படமாக இயக்கி வருகிறார் இயக்குநர் ஏ.எல்.விஜய். இவர் ஏற்கனவே ஜெயலலிதாவின் வாழ்க்கை வரலாற்று திரைப்படத்தை இயக்கியவர் என்பது குறிப்பிடத்தக்கது. இப்போது இவர் இயக்கி வரும் கருணாநிதின் திரை வாழ்க்கை குறித்த ஆவணப்படம் வரும் ஜனவரி 6ஆம் தேதி வெளியிடப்பட்டு திரையிடப்படும் எனத் தெரிவிக்கப்படுகிறது.
Click it and Unblock the Notifications
Sign in with Google