செம... நமக்கு சூப்பர் டி20 மேட்ச் காத்திருக்கு... 14 தொகுதிகளில் திமுக-பாஜக நேரடியாக மோதல்!

Updated: Friday, March 12, 2021, 14:37 [IST]

Subscribe to Oneindia Tamil

சென்னை: 173 தொகுதிகளுக்கான வேட்பாளர் பட்டியலை திமுக வெளியிட உள்ளது.

திமுகவும், பாஜகவும் நேரடியாக 14 தொகுதிகளில் களமிறங்க உள்ளதால் மிகவும் சுவாரசியம் காணப்படுகிறது. இந்த போட்டி மிகவும் பரபரப்பாக இருக்கும் என்று அரசியல் நிபுணர்கள் கூறுகின்றனர்.

நாகர்கோவில், ராமநாதபுரம், மொடக்குறிச்சி, துறைமுகம், ஆயிரம்விளக்கு உள்பட 14 தொகுதிகளில் பாஜக-திமுக நேருக்கு நேர் களம் காண உள்ளதாக கூறப்படுகிறது.

பம்பரமாக சுழலும் தேர்தல் களம்

தமிழக தேர்தல் களம் ஜெட் வேகத்தில் சென்று கொண்டிருக்கிறது. திமுக, அதிமுக என முக்கிய கட்சிகள் பம்பரமாக சுழன்று வருகின்றன. அதிமுக 177 தொகுதிகளுக்கு வேட்பாளர் பட்டியலை அறிவித்து விட்டது. மேலும், பாஜக, பாமகவுக்கு தொகுதிகளை ஒதுக்கி கொடுத்து விட்டது. மேலும், மக்கள் நீதி மய்யம், அமமுக கட்சிகள் வேட்பாளர் பட்டியல் வெளியிட்டு வருகின்றன.

திமுக வேட்பாளர் பட்டியல்

திமுக கூட்டணியில் காங்கிரஸ், மதிமுக உள்ளிட்ட கட்சிகளுக்கு தொகுதிகள் ஒதுக்கப்பட்டன. அந்த கட்சிகளும் வேட்பாளர் பட்டியலை வெளியிட்டு வருகின்றன. தொகுதி பங்கீட்டில் தாமதம் ஏற்பட்டதால் திமுகவும் வேட்பாளர் பட்டியலை வெளியிடுவதில் தாமதம் ஏற்பட்டது. இன்று காலை வேட்பாளர் பட்டியல் வெளியிடப்படும் என்று திமுக அறிவித்தது.

திமுக-பாஜக 14 தொகுதிகளில் மோதல்

அதன்படி 173 தொகுதிகளுக்கான வேட்பாளர் பட்டியலை திமுக வெளியிட உள்ளது. திமுக மத்திய பாஜக அரசை தொடர்ந்து குற்றம் சாட்டி வந்தது. பாஜகவும் திமுகவை தொடர்ந்து வசைபாடி வந்தது. இந்த இரு கட்சிகளும் எந்தெந்த தொகுதியில் நேரடியாக போட்டியிடுவார்கள் என்று பலரும் ஆவலுடன் எதிர்பார்த்து வருகின்றனர். இந்த நிலையில் திமுகவும், பாஜகவும் நேரடியாக 14 தொகுதிகளில் மோத உள்ளதாக தெரிகிறது.

செம டி 20 போட்டி காத்திருக்கு

அதாவது திருவண்ணாமலை, நாகர்கோவில், ராமநாதபுரம், மொடக்குறிச்சி, துறைமுகம், ஆயிரம்விளக்கு, திருக்கோயிலூர், திட்டக்குடி, விருதுநகர், அரவக்குறிச்சி, திருவையாறு, திருநெல்வேலி, தாராபுரம், மதுரை வடக்கு ஆகிய 14 தொகுதிகளில் திமுக-பாஜக நேருக்கு நேர் சந்தித்து கொள்ளும் என தெரிகிறது. இந்த போட்டி மிகவும் பரபரப்பாக இருக்கும் என்று அரசியல் நிபுணர்கள் கூறுகின்றனர்.