திமுக ஃபைல்ல் 2.. இரும்பு பெட்டியில் புகார் கொடுத்த அண்ணாமலை.. ரூ.5600 கோடி ஊழல் வீடியோ ரிலீஸ்

சென்னை: தமிழக ஆளுநர் ஆர்.என். ரவியை சந்தித்த பாஜக மாநிலத்தலைவர் அண்ணாமலை, இரும்புப்பெட்டியில் வைத்து திமுக அரசுக்கு எதிரான ஊழல் புகார் குறித்த மனுக்களை அளித்துள்ளார். ரூ. 5600 கோடி மதிப்பிலான 3 முறைகேடுகள் குறித்து திமுக ஃபைல்ஸ் 2 பற்றிய வீடியோவையும் தனது ட்விட்டரில் பதிவிட்டுள்ளார்.

தமிழக பாஜக மாநிலத் தலைவர் அண்ணாமலை கடந்த ஏப்ரல் 14ஆம் தேதி திமுக பைல்ஸ் என்கிற பெயரில் திமுக மூத்த நிர்வாகிகளின் சொத்து பட்டியலை வெளியிட்டு இருந்தார். இது தமிழக அரசியல் வட்டாரத்தில் பரபரப்பை ஏற்படுத்திய நிலையில், திமுகவினர் அண்ணாமலைக்கு நோட்டீஸ் அனுப்பியிருந்தனர். மேலும் நீதிமன்றத்தில் அவதூறு வழக்கும் தொடரப்பட்டிருந்தது.

லோக்சபா தேர்தலுக்கு இன்னும் 10 மாதங்கள் உள்ள நிலையில் தமிழ்நாட்டில் பாஜகவை வலுப்படுத்த பாதயாத்திரை செல்ல இருக்கிறார் அண்ணாமலை. வரும் 28 ஆம் தேதி ராமேஸ்வரத்தில் பாதயாத்திரையை மத்திய அமைச்சர் அமித்ஷா தொடங்கிவைக்கவுள்ளார். நடைபயணத்திற்கு முன்னதாக திமுகவினரின் இரண்டாம் கட்ட ஊழல் பட்டியலை வெளியிட இருப்பதாக அண்ணாமலை ஏற்கனவே அறிவித்து இருந்தார்.

அவர் சொன்னது போலவே இன்று ஆளுநர் ஆர்.என்.ரவியை சந்தித்து முறைகேடு புகார்களை அளித்தார் அண்ணாமலை. திமுக அரசின் செயல்பாடுகள், அமைச்சர்களின் சொத்து பட்டியல்கள் அடங்கிய மனுக்களை இரும்பு பெட்டியில் வைத்து ஆளுநரிடம் கொடுத்துள்ளார் அண்ணாமலை. ஆளுநரை சந்தித்த பிறகு அதனை தனது ட்விட்டர் பக்கத்திலும் பதிவிட்டுள்ளார்.

தமிழகத்தின் மூத்த தலைவர்களுடன் சேர்ந்து, தமிழக ஆளுநர் திரு ஆர்.என்.ரவியை சந்திக்கும் வாய்ப்பு கிடைத்தது. திமுக அமைச்சர்கள்/எம்எல்ஏக்கள்/எம்பிகள் மற்றும் முதல் குடும்பம் மற்றும் ரூ. 5600 கோடி மதிப்பிலான 3 முறைகேடுகள் தொடர்பான பினாமி ஆவணங்களுடன் திமுக ஃபைல்ஸ் 2 குறித்து ஆளுநர் தலையிட்டு தகுந்த நடவடிக்கையை கோரி மெமோராண்டம் ஒன்றை சமர்பித்தோம் என்றும் அண்ணாமலை தனது ட்விட்டர் பக்கத்தில் பதிவிட்டுள்ளார்.

#DMKFiles2

1. 3000 Crore Scam – ETL Infrastructure Services Limited

2. 2000 Crore Scam in Transport Department

3. 600 Crore Scam in TNMSC

We will elaborate more on this during our Padayatra to our friends in Press & Media.

We demand answers from the corrupt DMK… pic.twitter.com/IM7zvGjrOu

— K.Annamalai (@annamalai_k) July 26, 2023

இதே போல அண்ணாமலை தனது மற்றொரு ட்வீட்டில் ETL இன்ஃப்ராஸ்ட்ரக்சர் சர்வீசஸ் லிமிடெட் 3000 கோடி ஊழல், போக்குவரத்து துறையில் ரூ. 2000 கோடி ஊழல், டாஸ்மாக்கில் ரூ. 600 கோடி ஊழல் என பதிவிட்டுள்ளார். பத்திரிக்கை மற்றும் ஊடகங்களில் உள்ள எங்கள் நண்பர்களுக்கு எங்கள் பாதயாத்திரையின் போது இதைப் பற்றி மேலும் விரிவாகக் கூறுவோம். திமுக அரசிடம் பதில் கேட்கிறோம் என்றும் ட்விட்டர் பக்கத்தில் பதிவிட்டுள்ளார் அண்ணாமலை. இது தொடர்பான வீடியோ ஒன்றிணையும் தனது ட்விட்டர் பக்கத்தில் பதிவிட்டுள்ளார் அண்ணாமலை. இந்த வீடியோவும் அண்ணாமலை கூறியுள்ள புகாரும் தமிழ்நாட்டில் எந்த அளவிற்கு அதிர்வலைகளை உருவாக்கப்போகிறது என்று பார்க்கலாம்.

English summary

Annamalai Post his Twitter page, Today, along with the Senior leaders of BJP4TamilNadu we had the opportunity to meet our Hon Governor of TN, Thiru RN Ravi. We presented a memorandum seeking his excellency’s intervention and suitable action concerning Part 2 of DMK files with documents on Benami connected to the DMK Ministers/MLAs/MPs & the first family & 3 scams for a value of Rs. 5600 Crores.