அன்பழகன் சம்பாதித்தது மதிப்பும்.. மரியாதையும் மட்டும்தான்.. பேரிழப்பு.. ரஜினிகாந்த் நேரில் இரங்கல்!
சென்னை: திமுக பொதுச்செயலாளர் க. அன்பழகன் உடலுக்கு நடிகர் ரஜினிகாந்த் நேரில் அஞ்சலி செலுத்தினார்.
Recommended Video
தமிழக அரசியலில் மிக முக்கியமான தலைவரும் திமுக பொதுச்செயலாளருமான க. அன்பழகன் இன்று அதிகாலையில் காலமானார். அப்பல்லோ மருத்துவமனையில் சிகிச்சை பெற்று வந்த அவர் உயிரிழந்தார்.
நேற்று மாலையில் இருந்து அவரின் உடல் அவசர சிகிச்சையை ஏற்க மறுத்த நிலையில் இன்று அதிகாலை மரணம் அடைந்தார். இந்த நிலையில் பேராசிரியர் அன்பழகனின் மறைவையொட்டி பலர் அவருக்கு இரங்கல் தெரிவித்து வருகிறார்கள்.
அன்பழகன் உடல் கீழ்ப்பாக்கத்தில் உள்ள வீட்டில் அஞ்சலிக்காக வைக்கப்பட்டுள்ளது. வரிசையாக முக்கிய அரசியல் தலைவர்கள், நடிகர்கள், பிரபலங்கள் அவரின் உடலுக்கு அஞ்சலி செலுத்தி வருகிறார்கள்.
இந்த நிலஒயில் திமுக பொதுச்செயலாளர் க. அன்பழகன் உடலுக்கு நடிகர் ரஜினிகாந்த் நேரில் அஞ்சலி செலுத்தினார். அவரின் குடும்பத்தினரிடம் தன்னுடைய இரங்கலை தெரிவித்து, அன்பழகன் குறித்து கேட்டறிந்தார்.
அதன்பின் செய்தியாளர்களை சந்தித்தவர், திமுக பொதுச்செயலாளர் அன்பழகன் மறைவு பெரிய இழப்பு. அவரின் குடும்பத்தாருக்கும் உறவினர்களுக்கும், என்னுடைய நண்பர் தளபதிக்கும் என்னுடைய இரங்கலை தெரிவித்துக் கொள்கிறேன்.
60 ஆண்டுகால அரசியலில் அன்பழகன் சம்பாதித்தது மதிப்பும் மரியாதையும்தான் என்று ரஜினிகாந்த் குறிப்பிட்டார்.
Click it and Unblock the Notifications
Sign in with Google