கருணாநிதி நூற்றாண்டு விழா! மாவட்டச் செயலாளர்களுக்கு ஐடியா தர 6 பேர் கொண்ட குழு! -திமுக தலைமைக்கழகம்

சென்னை: கருணாநிதி நூற்றாண்டு விழா குழுவில் ஆ.ராசா, கனிமொழி, தயாநிதி மாறன் உள்ளிட்ட 6 பேர் நியமிக்கப்பட்டுள்ளதாக திமுக தலைமைக்கழகம் அறிவிப்பு வெளியிட்டுள்ளது.

இது தொடர்பாக திமுக தலைமைக்கழகம் விடுத்துள்ள அறிவிப்பு வருமாறு;

"நூற்றாண்டு நாயகர் முத்தமிழறிஞர் கலைஞர்" அவர்களின் பன்முக ஆற்றலையும், அவர் படைத்தளித்த மக்கள் நலன் திட்டங்களையும் ஓராண்டு முழுவதும் எடுத்துரைத்தாலும் முழுமையடையாது என்றாலும், தமிழ்நாட்டின் வருங்காலத் தலைமுறையினர் அவரை என்றென்றும் நினைவில் கொள்ளும் வகையில் நூற்றாண்டு விழாவினை எழுச்சியோடும் உணர்ச்சியோடும் எங்கெங்கும் நடத்திட உரிய ஆலோசனைகளை மாவட்ட நிர்வாகத்துக்கு வழங்கிட தலைமைக் கழகத்தின் சார்பில் பின்வரும் குழு அமைக்கப்படுகிறது.

• ஆ. இராசா, எம்.பி.,
• கனிமொழி கருணாநிதி, எம்.பி.,
• திருச்சி சிவா, எம்.பி.,
• தயாநிதி மாறன், எம்.பி.,
• ஆர்.எஸ்.பாரதி, முன்னாள் எம்.பி.,
• டி.கே.எஸ். இளங்கோவன், முன்னாள் எம்.பி.

English summary

The DMK headquarters has announced that 6 members including A.Raja, Kanimozhi and Dayanidhi Maran have been appointed in the Karunanidhi Centenary Celebration Committee.