பகையும் இல்லை; உறவும் இல்லை; மோடி வருகைக்கான ஏற்பாடுகளில் தமிழக அரசு தீவிரம்!

சென்னை: புதிய மருத்துவக்கல்லூரிகளை திறந்து வைப்பதற்காக அடுத்த மாதம் பிரதமர் மோடி தமிழகம் வரும் நிலையில் அதற்கான முன்னேற்பாடுகள் தீவிரமாக நடைபெற்று வருகின்றன.

தமிழகத்தில் புதிதாக கட்டப்படுள்ள 11 மருத்துவக்கல்லூரிகளை திறந்து வைப்பதற்காக ஜனவரி 12-ம் தேதி மதுரை வருகிறார் பிரதமர் மோடி. அங்கிருந்து அவர் விருதுநகர் செல்வதற்கான முன்னேற்பாடுகளை பிரதமர் அலுவலகமும் தமிழக அரசும் செய்து வருகிறது.

பொங்கல் பரிசாக தமிழகத்திற்கு 11 மருத்துவக் கல்லூரிகளை பிரதமர் மோடி தருவதாக பாஜகவினர் பரப்புரை செய்து வருகின்றனர். இந்நிலையில் அவர்களுக்கு திமுகவினரும் சளைக்காமல் சமூகவலைதளங்களில் பதிலடி கொடுத்து வருகின்றனர்.

இதனிடையே, பிரதமரின் தமிழக வருகை குறித்த நிகழ்ச்சியை பகையும் இல்லை, உறவும் இல்லை என்கிற ரீதியிலேயே திமுக கருதுகிறதாம்.
பொங்கலுக்கு இரண்டு நாட்களுக்கு முன்னர் தமிழகம் வரும் பிரதமர் மோடிக்கு இந்தமுறை கடந்தகாலங்களை போல் எதிர்ப்புகள் கிளம்பாது எனத் தெரிகிறது.

மருத்துவக்கல்லூரிகளுக்கான கட்டிட கட்டுமானப்பணி அதிமுக ஆட்சிக்காலத்தில் தொடங்கப்பட்டது என்பதால், அவர்கள் தரப்பிலும் பிரதமர் மோடியை வரவேற்க தயாராகி வருகின்றனர்.

மு.க.ஸ்டாலின் முதலமைச்சராக பொறுப்பேற்ற பிறகு மோடியுடன் அவர் ஒன்றாக ஒரே மேடையில் பங்கேற்கும் நிகழ்ச்சி என்பதால் மருத்துவக் கல்லூரி திறப்பு விழா நிகழ்வு முக்கியத்துவம் வாய்ந்ததாக பார்க்கப்படுகிறது.

English summary

Dmk insruction to executives, Do not make any post against the PM Modi