இது லிஸ்ட்லயே இல்லையே.. திமுக எடுத்த பாஜகவின் அஸ்திரம்.. இறங்கி அடிக்கும் ஸ்டாலின்

சென்னை: மகளிர் உரிமை தொகை திட்டத்தை நேற்று தொடங்கி வைத்து முதல்வர் ஸ்டாலின் பேசியதை இந்தியில் சப்-டைட்டில் மற்றும் தலைப்புடன் வீடியோக்களை வெளியிடும் பணியினை திமுக ஐடி விங் செய்துள்ளது. பாஜக இந்தியில் சப் டைட்டில் போட்டு திமுகவினர் வீடியோவை பரப்பிய நிலையில் அதற்கு பதிலடியாகவே இந்த திட்டத்தை திமுக முன்னெடுத்துள்ளது.

சனாதன சர்ச்சைக்கு பிறகு வட இந்தியாவில் உள்ள எல்லா மாநிலங்களிலுமே தமிழ்நாட்டை அதிகம் கவனிக்க தொடங்கி உள்ளன. தமிழ்நாட்டில் நடக்கும் ஒவ்வொரு நிகழ்வும் தேசிய அளவில் பேசுபொருளாகி வருகிறது. இதற்கு காரணம் தமிழக பாஜகவினர் தான் என்று கூறப்படுகிறது.

தமிழக பாஜகவினர் திமுக தலைவர்கள் பேசும் வீடியோக்களை உடனுக்குடன் இந்தியில் சப் டைட்டில் போட்டு வெளியிடுகிறார்கள். அவை தேசிய ஊடகங்களில் விவாதப்பொருளாகி வருகிறது. அதேபோல் பாஜகவின் ஐடிவிங்கும் பெரிய அளவில் அதை ஷேர் செய்து விவாதமாக்கி வருகிறது.

மதம் சார்ந்த விஷயங்கள் மற்றும் சனாதனம் குறித்து திமுக தலைவர்கள் பேசும் விஷயங்களை அதிக அளவில் பேட்டி எடுத்தும், அதற்கு பதில் அளிக்குமாறு வடநாட்டு தலைவர்களை தேசிய ஊடகங்கள் கேட்கின்றன.

அந்த வீடியோக்கள் அண்மை காலமாக தேசிய ஊடகங்களிலும், குறிப்பாக இந்தி ஊடகங்களிலும் அதிக அளவில் பேசுபெருளாகி வருகிறது. ஏற்கனவே வட இந்தியர்கள் தமிழ்நாட்டில் தாக்கப்பட்டாக வதந்திய பரவியும் தேசிய ஊடகங்களில் தலைப்பு செய்தியாக இருந்தது. ஒரு கட்டத்தில் அனைத்தும் வதந்தி என்று தெரிந்த பின்னரே பிரச்சனை இயல்பு நிலைக்கு வந்தது.

இந்த சூழலில் தான் வட இந்தியாவில் தமிழக முதல்வர் ஸ்டாலினின் சாதனைகள் தெரிய வேண்டும் என்பதற்காக, அவரது பேச்சுக்கள் இந்தியில் சப் டைட்டில் போட்டு வெளியிடும் பணிகள் விறுவிறுப்பாக நடக்கின்றன.

நேற்று கலைஞர் மகளிர் உரிமை திட்டத்தை முதல்வர் ஸ்டாலின் காஞ்சிபுரத்தில் தொடங்கி வைத்து பேசும் போது, தாய் தமிழ்நாட்டிற்கு தமிழ்நாடு என்று பெயர் சூட்டிய பேரறிஞர் அண்ணா அவர்கள், இனி இந்த பெயரை யாராலும் நீக்க முடியாது. இந்த பெயர் இருக்கும் வரை அண்ணா துரை தான் ஆள்கிறான் என்றார்.

அதேபோல் இந்த மகளிர் உரிமை திட்டத்தை தொடங்கும் முத்துவேல் கருணாநிதி ஸ்டாலின் சொல்கிறேன்.. இன்னும் எத்தனை ஆண்டுகளுக்கு பெண்கள் உரிமை தொகை பெறுகிறார்களோ, அத்தனை ஆண்டுகளுக்கும் இந்த ஸ்டாலின் தான் ஆள்கிறான் என்று பொருள்" என கூறியிருந்தார். இந்த பேச்சை தான் இந்தியில் சப் டைட்டில் போட்டு, இந்தி நேஷனல் ஊடகங்களையும் திமுக டேக் செய்துள்ளது.

जब तक महिलाओं को यह मासिक अनुदान मिलता है, इसका मतलब है कि स्टालिन इस भूमि पर शासन करता है।@aajtak @indiatvnews @IndiaTVHindi#TNEmpowersWomen pic.twitter.com/62qzXUfNGm

— DMK (@arivalayam) September 16, 2023

English summary

The DMK IT Wing has taken up the task of releasing videos with subtitles and captions in Hindi on the topics spoken by Chief Minister mk Stalin while launching the Women's Rights Fund Program yesterday. When the DMK circulated the video with subtitles in Hindi by the BJP, the DMK has taken this project as a response.