மாசா மாசம் எனக்கு ரிப்போர்ட் வந்தாகணும்.. மு.க.ஸ்டாலின் போட்ட அதிரடி கட்டளை!

திமுக எம்எல்ஏக்கள், எம்பிக்களுக்கு ஸ்டாலின் உத்தரவு ஒன்றினை பிறப்பித்துள்ளார்

சென்னை: சாட்டையை கையில் எடுத்துவிட்டார் ஸ்டாலின்.. இதுவரைக்கும் திமுக தலைவர் ஸ்டாலினிடம் இருந்து இப்படி "ஆர்டர்" வந்தது இல்லை.. அப்படி ஒரு கண்டிப்பான உத்தரவை பிறப்பித்திருக்கிறார்!

எதிர்பாராத வகையில் தேர்தலில் அபார வெற்றி பெற்றது திமுக. இதற்காக வெற்றி பெற்ற ஒவ்வொரு தொகுதிகளுக்கும் நேரடியாக சென்று ஓட்டு போட்டதற்காக மக்களுக்கு நன்றி சொல்லி வருகிறார்.

அரவக்குறிச்சியில் நன்றி தெரிவித்து பேசும்போதுகூட, "திமுக, மற்றும் கூட்டணி கட்சி எம்பி, எம்எல்ஏக்கள் பொதுமக்களை நாடி வந்து பிரச்சனைகளை கேட்டறிந்து தீர்த்து வைப்பார்கள்" என்றார்.

”திமுக சார்பில் தேர்ந்தெடுக்கப்பட்ட நாடாளுமன்ற - சட்டமன்ற உறுப்பினர்கள் அனைவரும் ஒவ்வொரு மாதமும் தங்கள் தொகுதி மக்கள் பிரச்னைகள் குறித்த அறிக்கையை என்னிடம் வழங்க வேண்டும். இது வேண்டுகோள் இல்லை; கட்டளை!”

-கழக தலைவர் @mkstalin அவர்கள் உரை.#DMK4TN pic.twitter.com/ReNMvjeP4h

— #DMK4TN (@DMK4TN) June 13, 2019

ஸ்டாலின் ட்வீட்

அதனால்தானோ, என்னவோ இப்போது வெற்றி பெற்ற எம்எல்ஏக்கள், எம்பிக்களுக்கு புது உத்தரவு ஒன்றினை பிறப்பித்துள்ளார். இது சம்பந்தமாக ஒரு ட்வீட் ஒன்றினையும் பதிவிட்டுள்ளார். அதில், "திமுக சார்பில் தேர்ந்தெடுக்கப்பட்ட நாடாளுமன்ற - சட்டமன்ற உறுப்பினர்கள் அனைவரும் ஒவ்வொரு மாதமும் தங்கள் தொகுதி மக்கள் பிரச்னைகள் குறித்த அறிக்கையை என்னிடம் வழங்க வேண்டும். இது வேண்டுகோள் இல்லை; கட்டளை!" என்று கூறியுள்ளார்.

ரிப்போர்ட்

மேலும் "நமக்கு வாக்களிக்க தவறியவர்களுக்கு மட்டுமல்ல, வாக்களிக்க தவறியவர்கள், வாக்களிக்க தவறிவிட்டோமே என்று சிந்திக்கக்கூடிய அளவுக்கு திமுக சார்பில் தேர்ந்தெடுக்கப்பட்ட எம்பி, எம்எல்ஏக்கள் பணியாற்ற வேண்டும் என்று கேட்டுக் கொண்டுள்ளார். அதனால்தான் "ஒவ்வொரு மாதமும் மக்கள் பிரச்சனைகள் குறித்த ரிப்போர்ட்டை எனக்கு கொடுக்க வேண்டும் தெரிவித்துள்ளார்.

முதல் அடி

இதுவரை இவ்வளவு கண்டிப்பான வார்த்தைகள் ஸ்டாலினிடம் இருந்து எம்எல்ஏக்கள், எம்பிக்களுக்கு சென்றதில்லை. அப்படியானால் மாபெரும் வெற்றியை தக்க வைக்க முதல் அடியை திமுக எடுத்து வைக்க தொடங்கி உள்ளது என்பது தெரிகிறது. அதனால்தான் "வேண்டுகோள் இல்லை இது கட்டளை" என்பதை அழுத்தமாக பதிவு செய்துள்ளார் ஸ்டாலின்.

பிரதிபலிக்கும்

ஓட்டு போட்டவர்கள் என்றில்லாமல், ஒட்டு மொத்த மக்களின் நலனில் அக்கறை செலுத்தும் திமுகவின் செயல்பாடுகளும், இனி மக்களாலும் உன்னிப்பாக கவனிக்கப்படும். இந்த வேகத்தில் எம்பிக்களும், எம்எல்ஏக்களும் களம் இறங்கினால், நிச்சயம் இதன் பலன் வருகிற தேர்தலில் பிரதிபலிக்கவே செய்யும்!

English summary

DMK Leader MK Stalin has asked MLAs and MPs for a monthly report of the public Problems