DMK MANIFESTO: மகளிர் உரிமைத்தொகை டூ முதியோர் பென்ஷன் வரை.. 13 திட்டங்களின் உதவித்தொகைகள் உயர்வு – ஸ்டாலின்

சென்னை: தமிழக சட்டசபை தேர்தலையொட்டி திமுகவின் தேர்தல் அறிக்கையை முதல்வர் ஸ்டாலின் இன்று வெளியிட்டார். இந்த தேர்தல் அறிக்கையில் மகளிர் உரிமைத்தொகை, உ.யர்கல்வி பயிலும் மாணவிகளுக்கான புதுமைப்பெண், மாணவர்களுக்கான நான் முதல்வன், முதியோர் பென்ஷன், மாற்றுத்திறனாளிகளுக்கான உதவித்தொகை, மீனவர்களுக்கான நிவாரண தொகை உள்பட பலவற்றின் தொகைகள் உயர்த்தி அறிவிக்கப்பட்டுள்ளது.

சென்னை அண்ணா அறிவாலயத்தில் முதல்வர் ஸ்டாலின் இன்று தேர்தல் அறிக்கையை வெளியிட்டார். அதன்பிறகு முக்கிய 51 அறிவிப்புகளை ஸ்டாலினே வாசித்தார். இந்த அறிவிப்பில் பல்வேறு உதவித்தொகைகள் உயர்த்தி அறிவிக்கப்பட்டுள்ளது. அதன் விவரம் வருமாறு:

* மகளிர் மாதாந்திர உரிமைத்தொகை ரூ.1,000ல் இருந்து ரூ.2000 ஆக உயர்த்தப்படும்.
* மருத்துவ காப்பீட்டுக்கான ஆண்டு வருமான வரம்பு ரூ.5 லட்சமாக உயர்த்தப்படும்
* மருத்துவ காப்பீட்டு தொகை ரூ.10 லட்சமாக உயர்த்தப்படும்.

* கல்லூரி மாணவ, மாணவியரின் உயர் கல்வி சேர்க்கையை அதிகரிக்க புதுமைப்பெண், தமிழ் புதல்வன் திட்டத்தின்படி மாதந்தோறும் வழங்கப்ட்டு வரும் ஆயிரம் ரூபாய் இனி ரூ.1,500 ஆகு உயர்த்தி வழங்கப்படும்.
* உயர்கல்வி முடித்த 5 லட்சம் இளைஞர்கள் வேலைவாய்ப்பு பெறும் வகையில் நான் முதல்வன் திட்டத்தில் ரூ.1,500 மாதவ உதவித்தொகையுடன் 6 மாத பயிற்சி வழங்கப்படும்.

* முதியோர் உதவித்தொகை ரூ.1,200ல் இருந்து ரூ.2,000 ஆக உயர்வு
* மாற்றுத்திறனாளிகளுக்கான உதவித்தொகை ரூ.1,500ல் இருந்து ரூ.2,500 ஆக உயர்த்தப்படும்.
* நெல் கொள்முதல் விலை குவிண்டாலுக்கு ரூ.3,500 ஆக உயர்த்தப்படும்.

* கரும்பு கொள்முதல் விலை டன் ஒன்றுக்கு ரூ.4,500 ஆக உயர்த்தப்படும்.

* பேரிடர் கால இழப்பீடுகள் ஹெக்டர் ஒன்றுக்கு இறவை பாசன பயிர்கள் மற்றும் நெல் பயிர்களுக்கு ரூ.25,000, நீண்டகால பயிர்களுக்கு ரூ.27,000, மானாவாரிப் பயிர்களுக்கு ரூ.12 ஆயிரமாக உயர்த்தி வழங்கப்படும்.
* பால் கொள்முதல் விலை லிட்டருக்கு ரூ.5 உயர்த்தப்படும்.

* மீன்பிடி தடைக்கால நிவாரண தொகை ரூ.8,000ல் இருந்து ரூ.12,000 ஆக உயர்த்தப்படும்.
* மீன்பிடி குறைவு கால சிறப்பு நிவாரணம் ரூ.6 ஆயிரத்தில் இருந்து ரூ.9 ஆயிரமாக உயர்த்தப்படும்.

* சிறுபான்மையினர் தொழில் தொடங்க ரூ.30 லட்சம் கடனுதவி வழங்கப்படும்.
* இல்லதரசி கூப்பன்: 8 ஆயிரம் ரூபாய் மதிப்பிலான கூப்பனை பயன்படுத்தி வாஷிங் மெஷின், டிவி, ஃப்ரிட்ஜ், மிக்சி, மைக்ரோவேவ் அவன் மற்றும்மின் அடுப்புகள் போன்ற வீட்டு உபயோக பொருட்களை, வருமான வரி செலுத்ததாக குடும்பங்களை சேர்ந்த இல்லத்தரசிகள் புதிதாக வாங்கி கொள்ளலாம். அல்லது ஏற்கனவே பயன்படுத்தி வரும் பழைய பொருட்களுக்கு மாற்றாகவும் பெற்று கொள்ளலாம்.

English summary

DMK Manifesto: Ahead of the Tamil Nadu Legislative Assembly elections, Chief Minister Stalin released the DMK's election manifesto today. In this manifesto, increases have been announced for various schemes, including the financial assistance for women's rights, the 'Pudhumai Penn' scheme for female students pursuing higher education, the 'Naan Mudhalvan' scheme for students, old-age pensions, financial assistance for persons with disabilities, and relief funds for fishermen.