என்னங்க இப்படி இறங்கிட்டீங்க.. இபிஎஸ் விட்ட சவால்.. ஒரே ஒரு போட்டோ போட்டு ஆஃப் செய்த திமுக எம்எல்ஏ!

Updated: Thursday, September 23, 2021, 13:37 [IST]

Subscribe to Oneindia Tamil

சென்னை: திமுகவை சேர்ந்த திருவையாறு எம்எல்ஏ துரை சந்திரசேகரன் பகிர்ந்த ட்வீட்டர் போட்டோ ஒன்று இணையம் முழுக்க வைரலாகி வருகிறது. நெட்டிசன்கள் பலர் அவரின் வைரல் ட்வீட்டை ஷேர் செய்து வருகிறார்கள்.

பிரச்சாரம்

ஒரு பக்கம் ஆளும் திமுக தரப்பு இந்த தேர்தலுக்கு தீவிரமாக தயாராகி வருகிறது. பாமக அதிமுக கூட்டணியில் உள்ளாட்சி தேர்தலில் இடம்பெறவில்லை. இதனால் அதிமுக, பாஜக உள்ளிட்ட கட்சிகளோடு கூட்டணி வைத்து தேர்தலை அதிமுக எதிர்கொள்ள இருக்கிறது. தமிழ்நாடு எதிர்க்கட்சித் தலைவரும், அதிமுக இணை ஒருங்கிணைப்பாளருமான எடப்பாடி பழனிசாமி இன்று ஊரக உள்ளாட்சித் தேர்தலுக்கான தேர்தல் பரப்புரையில் ஈடுபட உள்ளார். 9 மாவட்டங்களில் ஒவ்வொரு மாவட்டமாக இன்றில் இருந்து சென்று பிரச்சாரம் செய்ய உள்ளார்.

என்ன சொன்னார்

இந்த நிலையில் நேற்று எடப்பாடி பழனிச்சாமி கட்சி கூட்டம் ஒன்றில் சேலத்தில் பேசினார். இதில் தமிழ்நாட்டில் விரைவில் சட்டசபை தேர்தல் வரும். 2024ஆம் ஆண்டு நாடாளுமன்ற தேர்தலுடன் சேர்த்து சட்டமன்றத் தேர்தல் வர வாய்ப்புள்ளது. இதனால் அதிமுகவினர் நம்பிக்கையோடு இருக்க வேண்டும். உள்ளாட்சி தேர்தலில் வெற்றி பெற அனைவரும் கண்டிப்பாக தீவிரமாக உழைக்க வேண்டும். நிர்வாகிகள் எல்லோரும் தேனீக்கள் போல உழைக்க வேண்டும், அப்போதுதான் நாம் வெற்றிபெற முடியும் என்று சவால் விடுக்கும் வகையில் எடப்பாடி பழனிசாமி குறிப்பிட்டு இருந்தார்.

கிண்டல்

இந்த நிலையில் திமுக திருவையாறு எம்எல்ஏ துரை சந்திரசேகரன் இது தொடர்பாக மீம் ஒன்றை பகிர்ந்து எதிர்கட்சித் தலைவர் எடப்பாடி பழனிசாமியை கிண்டல் செய்துள்ளார். சமீபத்தில் வெளியான டிக்கிலோனா படத்தில் நடிகர் மாறன் சொல்லும் பிரபல வசனத்தை குறிப்பிடாமல் அந்த மீமை மட்டும் வெளியிட்டு கிண்டல் செய்துள்ளார்.மாறன் சந்தானத்துடன் மருத்துவமனையில் இருந்து எஸ்கேப் ஆகும் அந்த மீம் தற்போது இணையம் முழுக்க வைரலாகி வருகிறது. இதைத்தான் அவரும் பகிர்ந்து இருக்கிறார்.

வைரல்

நெட்டிசன்கள் பலர் இதற்கு பதில் அளித்து உள்ளனர். அதில், என்ன சார் நீங்களும் மீம் போட தொடங்கிவிட்டீர்கள். நீங்களும் இப்படி இறங்கிவிட்டீர்கள் என்று கேட்டு உள்ளனர். இதற்கு அவர், இது நான் போட்ட மீம்தான். ஆனால் இது என் மகன் கொடுத்த ஐடியா என்று பதில் அளித்துள்ளார். இன்னும் சில நெட்டிசன்கள்.. இந்த மீமை நீங்கள் எடப்பாடி பழனிசாமியை டேக் செய்து போட்டு இருக்கலாம் என்று கேட்டு இருக்கிறார்கள். இன்னும் சிலர் மீமர்கள் நீங்கள் இப்படி மீம் போட களமிறங்கிவிட்டால் நாங்கள் என்ன செய்வது என்று கேட்டு உள்ளனர்.