சட்டசபை கூடும் ஜன.6ம் தேதி.. முக ஸ்டாலின் தலைமையில் திமுக எம்எல்ஏக்கள் முக்கிய கூட்டம்

சென்னை: சென்னை கலைஞர் அரங்கில் ஜனவரி 6 ஆம் தேதி மு.க.ஸ்டாலின் தலைமையில் மாலை 5 மணிக்கு திமுக எம்எல்ஏக்கள் கூட்டம் நடைபெறும் என திமுக தலைமை அறிவித்துள்ளது.

பரபரப்பான அரசியல் சூழ்நிலையில் தமிழக சட்டசபை கூட்டத்தொடர் வரும் ஜனவரி 6-ந்தேதி தொடங்க உள்ளது. 2020-ம் ஆண்டின் முதல் கூட்டத்தொடர் என்பதால், 6-ந்தேதி நடைபெறும் கூட்டத்தில் கவர்னர் பன்வாரிலால் புரோகித் உரை நிகழ்த்த உள்ளார். கூட்டத்தொடரை எத்தனை நாள் நடத்துவது என்பது குறித்து 6-ம் தேதி அலுவல் ஆய்வு கூட்டத்தில் முடிவு எடுக்கப்பட உள்ளது.

இந்த சூழலில் சென்னை கலைஞர் அரங்கில் ஜனவரி 6 ஆம் தேதி மு.க.ஸ்டாலின் தலைமையில் மாலை 5 மணிக்கு திமுக எம்எல்ஏக்கள் கூட்டம் நடைபெறும் என திமுக கொறடா சக்ரபாணி அறிவித்துள்ளார். இந்த கூட்டத்தில் திமுக எம்எல்ஏக்கள் அனைவரும் தவறாது கலந்து கொள்ள வேண்டும் என்றும் அழைப்பு விடுத்துள்ளார்.

குடியுரிமை திருத்த சட்டம், என்ஆர்சி, உள்ளாட்சி தேர்தல் உள்பட பல்வேறு விவகாரங்கள் குறித்து சட்டசபையில் கேள்வி எழுப்பி திமுக திட்டமிட்டுள்ளது. எனவே இதுபற்றி திமுக எம்எல்ஏக்கள் விவாதிப்பார்கள் என தெரிகிறது.

English summary

DMK MLAs Meeting on january 6 lead by MK Stalin at chennai kalaignar hall.