"ஓவர் கான்பிடன்ஸ்?"... ஆளாளுக்கு போடும் பலே கொக்கி.. அடுத்த லெவலுக்கு தாவும் திமுக..?
திமுக அதிகாரிகள் சிலர் பதவிக்காக காய் நகர்த்தி வருகிறார்களாம்
சென்னை: திமுக தரப்பினர் வேற லெவலில் பிளான் செய்து கொண்டிருக்கிறார்களாம்.. ஒருவேளை திமுக ஆட்சி அமைத்தால், யார் யாருக்கு பதவி கிடைக்கும் என்பது போய், யார் யார் உயர் அதிகாரிகள் என்பது போய், இப்போது இன்னொரு கட்டத்துக்கு நகர்ந்துள்ளது எதிர்பார்ப்புகள்...!
10 நாளைக்கு முன்பு திமுகவின் உத்தேச அமைச்சர்கள் பட்டியல் ஒன்று அதாவது 31 பேர் கொண்ட டம்மி லிஸ்ட் சோஷியல் மீடியாவில் வலம் வந்தது..
பிறகு, கொடைக்கானலில் உதயநிதியும், சபரீசனும் ஆளுக்கு ஒரு அமைச்சர்கள் லிஸ்ட் தயார் செய்து தர, அதை ஸ்டாலினே முன்னின்று பார்த்து பார்த்து கவனித்ததாகவும், சென்னை வருவதற்கு முன்பே அந்த இறுதி லிஸ்ட் தயார் செய்யப்பட்டுவிட்டது என்றும் செய்திகள் வந்தன.
ஸ்டெர்லைட் : ஆக்சிஜன் தயாரிக்க ஒரு குறிப்பிட்ட “காலவரம்பிற்கு” மட்டும் அனுமதி வழங்க வேண்டும்- திமுக
லிஸ்ட்
இதில் சீனியர்கள் & ஜூனியர்கள் என்ற கலவையில் இந்த லிஸ்ட் இருக்கும் என்கிறார்கள்... அந்த லிஸ்ட்டில் இருப்பது யார் யார் என்று தெரிந்து கொள்ள, பல புள்ளிகள், வேறு வேறு ரூட்டிலும் காய் நகர்த்தி கொண்டிருக்கிறார்கள்.. அதேபோல, அரசு அதிகாரிகளையும் திமுக தலைவர் முடிவு செய்துவிட்டதாகவும், அவர்கள் பெயரும் அந்த லிஸ்ட்டில் டிக் அடித்து விட்டதாகவும் பரபரக்கப்பட்டன.
அதிகாரிகள்
இப்போது விஷயம் என்னவென்றால், அமைச்சர்கள், அதிகாரிகளுக்கு அடுத்து பிஏ கேட்டகரி இருக்கும் அல்லவா? அந்த பிஏ கனவில்தான் பலர் வலம் வந்து கொண்டிருக்கிறார்களாம்.. திமுக ஆட்சியில் இல்லாமல் 10 வருடம் ஆகிவிட்டது என்றாலும், அந்த கட்சிக்கு வேண்டிய சில அதிகாரிகள், பிஆர்ஓக்கள், அரசு துறைகள், நிறுவனங்களில் இருக்கும் தங்களது கட்சி சார்ந்த தொழிற்சங்க நிர்வாகிகளிடம் அடிக்கடி பேசி வருகிறார்களாம்.
முயற்சி
அப்போது, எந்த துறைக்கு யார் அமைச்சர்கள் என்பது முதல், அவர்களுக்கு பிஏ-வாகும்வரை முயற்சிகளும் நடந்து வருகிறதாம். அதேபோல, திமுக ஆதரவு அதிகாரிகள் சிலர், தலைமைச்செயலகத்தில் முக்கிய பொறுப்புகளை வகிக்கவும், அமைச்சர்களிடம், பிஏ பதவிகளை பிடிக்கவும் மும்முரமாகி வருகிறார்களாம்..!
அதிமுக
திமுகவில் மட்டுமல்ல, அதிமுகவிலும் இப்படி ஒரு மூவ் சத்தமில்லாமல் நடந்து கொண்டிருக்கிறதாம்.. இன்னும் நமக்கு ரிசல்ட்டே வரவில்லை.. அதற்குள் இன்னும் என்னென்ன பரபரப்புகள், புரளிகள், வதந்திகள், தகவல்கள், இப்படி பரவி வரப்போகிறதோ தெரியவில்லை.. பார்ப்போம்..!