49% ஆண்கள்.. 47% பெண்கள்.. 'எகிறும்' திமுக ஆதரவு - 'இந்தியா டுடே' கருத்துக்கணிப்பு

Updated: Saturday, May 1, 2021, 9:54 [IST]

Subscribe to Oneindia Tamil

சென்னை: தேர்தலுக்கு பிந்தைய கருத்துக்கணிப்பு முடிவுகள் இன்று வெளியாகியுள்ளன. இதில், ஒவ்வொரு கட்சிக்கும் ஆண்கள், பெண்கள் என இருபாலரின் வாக்குகள் சதவிகிதம் குறித்த முடிவுகள் தெரிவிக்கப்பட்டுள்ளன.

தமிழக சட்டசபைத் தேர்தல் வாக்குப்பதிவு ஏப்ரல் 6ம் முதல் முடிவடைந்தது. இதில், 72.78 சதவீத வாக்குகள் பதிவானது. இது கடந்த 2016 சட்டமன்றத் தேர்தலைக் காட்டிலும், 2.03 சதவீதம் குறைவாகும்.

திமுக, அதிமுக, மக்கள் நீதி மய்யம், நாம் தமிழர் கட்சி, அமமுக என்று ஐந்து முனைத் தேர்தல் களத்தை தமிழக சட்டசபைத் தேர்தல் சந்திக்கிறது. மே 2ம் தேதி வாக்குகள் எண்ணப்பட்டு முடிவுகள் அறிவிக்கப்பட உள்ளன.

திமுக ஆட்சி

இந்நிலையில், ஐந்து மாநில சட்டசபைத் தேர்தல் வாக்குப்பதிவு இன்றுடன் முடிவடைந்துள்ளதால், தேர்தலுக்கு பிந்தைய கருத்துக்கணிப்பு முடிவுகள் வெளியிடப்பட்டுள்ளன. நேஷ்னல் முதல் லோக்கல் வரை பெரும்பாலான ஊடகங்கள் இந்த முடிவுகளை வெளியிட்டுள்ளன. இதில், திமுக வெற்றிப் பெற்று ஆட்சியமைக்கும் என்று அனைத்து தரப்பு கருத்துக்கணிப்புகளும் ஒருசேர முடிவுகள் வெளியிட, திமுக தலைமை மகிழ்ச்சியில் உள்ளது.

கணிசமான இடங்கள்

அதுமட்டுமின்றி, அதிமுக கோட்டையான கொங்கு மண்டலத்திலும் திமுக 35 இடங்கள் வரை வெல்லக் கூடும் என்று கருத்துக்கணிப்புகள் முடிவுகள் வெளிவர ஸ்டாலினே ஆச்சர்யத்தில் உள்ளாராம். அதேபோல், தென் மண்டலத்திலும், திமுக கணிசமான இடங்களை வெல்லும் என்று கருத்துக்கணிப்புகள் தெரிவிக்கின்றன.

எந்த கட்சி டாப்?

இந்த நிலையில், இந்தியா டுடே - ஆக்சிஸ் மை இந்தியா வெளியிட்டுள்ள தேர்தலுக்கு பிந்தைய கருத்துக்கணிப்பில் ஆண், பெண் என்று இருபாலரின் வாக்கு சதவிகிதம் வெளியிடப்பட்டுள்ளன. இதில், திமுக கூட்டணிக்கு 49 சதவிகித ஆண்களும், 47 சதவிகித பெண்களும் ஆதரவு தெரிவித்துள்ளனர். அதேபோல், அதிமுக கூட்டணிக்கு 32 சதவிகித ஆண்களும், 38 சதவிகித பெண்களும் ஆதரவு கொடுத்துள்ளனர்.

அமமுக நிலைமை?

அதுமட்டுமின்றி, டிடிவி தினகரனின் அம்மா மக்கள் முன்னேற்ற கழக கூட்டணிக்கு 4 சதவிகித ஆண்களும், 2 சதவிகித பெண்களும் சப்போர்ட் கொடுக்க, கமல்ஹாசனின் மக்கள் நீதி மய்யம் கூட்டணிக்கு 4 சதவிகித ஆண்களும், 4 சதவிகித பெண்களும் என சரிசமமாக ஆதரவு தெரிவித்துள்ளனர். ('மய்யம்'-ங்கிறதால அப்படியும் இல்லாம, இப்படியும் இல்லாம சரிசமமா 4 % கொடுத்திருக்கங்களோ)