ஸ்டாலின் பெயரை சொன்னாலே.. டெல்லி சும்மா அதிருதுல்ல.. திமுக பெருமிதம் #TNopposeCAA

சென்னை: குடியுரிமை திருத்த சட்டத்திற்கு எதிர்ப்பு தெரிவித்து சென்னையில் தாங்கள் நடத்திய பேரணியால் சென்னை குலுங்கியது, டெல்லி அதிர்ந்தது என்று திமுக பெருமிதம் தெரிவித்துள்ளது.

அத்தோடு நில்லாமல் பெயர் மு.க.ஸ்டாலின் என்றும் அவர்கள் டேக் செய்து பெயரைச் சொன்னாலே சும்மா அதிருதுல்ல என்று ரஜினி ஸ்டைலில் ஒரு வீடியோ போட்டுள்ளனர்.

குடியுரிமை திருத்த சட்டத்தைக் கண்டித்து திமுக கூட்டணி சார்பில் இன்று சென்னையில் பிரமாண்ட பேரணி நடத்தப்பட்டது. இந்தப் பேரணிக்கு தமிழக அரசு அனுமதி தரவில்லை. அதேசமயம், போராட்டங்களைத் தடுக்க முடியாது என்று சென்னை உயர்நீதிமன்றம் நேற்று குறிப்பிட்டிருந்தது. அதேசமயம், தடையை மீறி பேரணி நடந்தால் வீடியோவில் படம் பிடிக்க வேண்டும் என்றும் ஹைகோர்ட் உத்தரவிட்டிருந்தது.

'குலுங்கியது சென்னை - அதிர்ந்தது டெல்லி'#TNopposeCAA pic.twitter.com/wkYa42xWlI

— DMK (@arivalayam) December 23, 2019

இந்த நிலையில் இன்று திமுக பேரணி திட்டமிட்டபடி நடந்தது. சென்னை எழும்பூர் தாளமுத்து மாளிகையிலிருந்து புறப்பட்ட பேரணி ராஜரத்தினம் ஸ்டேடியத்தில் போய் முடிவடைந்தது. நீண்டு நெடிய சாரைப் பாம்பு போல வளைந்து நெளிந்து போன பேரணியால் சென்னையின் ஒரு பகுதி ஸ்தம்பித்தது.

இந்த பேரணியை வெற்றிகரமாக நடத்தியது தொடர்பாக ஒரு வீடியோவை திமுக தனது டிவிட்டரில் போட்டுள்ளது. அதில் பேரணியை படம் பிடித்து இடம் பெறச் செய்துள்ளனர். மேலும், சென்னை குலுங்கியது டெல்லி அதிர்ந்தது.. பெயர் மு.க.ஸ்டாலின் என்று போட்டுள்ளனர். இதன் மூலம் ஸ்டாலின் பெயரைக் கேட்டாலே டெல்லி அதிருதுல்ல என்று அவர்கள் மறைமுகமாக கூறியுள்ளதாகவே உணர முடிகிறது.

English summary

dmk tweet about its Anti CAA protest chennai rally today